Politiconan di Sint Maarten ta e motibo principal dicon reconstruccion di Sint Maarten ta bayendo slow. Minister Raymond Knops a pone esaki den preguntanan di Tweede Kamer.

Tweede Kamer ta preocupa pa e reparacion di daknan y casnan , e prizon y e aeropuerto di e isla cu a ser destrui pa e horcan Irma na 2017. Banco Mundial cu a administra e fondo di reconstruccion na nomber di Hulanda, a ricibi basta critica di Sint Maarten y Tweede Kamer te cu awo, pero Knops ta referi principalmente na e politica di Sint Maarten.

Por ehempel, Banco Mundial no por habri un sucursal riba e isla pa motibo cu e permiso local ainda no ta regla pa esey. Un establecimento asina ser facilita pa e fundacionnan di ayudo na e isla. Awo e solicitudnan mester pasa via Washington.

“10% di e daknan ta drecha”
Knops tambe ta elimina e criticanan di e Ombudsmand di Sint Maarten. A afirma cu dos aña despues di e horcan devastador solamente 10% di e casnan a ser drecha. “No ta parce cu esaki a sali di e rapport di e mesun Ombudsman y tampoco por apoy’e”, Knops a bisa. E minister a bisa cu el a wak progreso cu su propio wowonan. “ Cada bes cu mi ta eynan, mi a wak e proyectonan aki”. Segun e gobierno Hulandes, mas di 1000 cas a ser restaura. E aña venidero mester tin 500. “ Esaki ta hiba hopi tempo”,Knops a reconoce. “ Pero e capacidadnan aki tambe ta limita”.

Ehemplo di aeropuerto con e no mester ta
 E restauracion di e aeropuerto na Sint Maaretn ta un hangua den wowonan di Hulanda. A tuma un aña y mey pa acepta e ayudo Hulandes. Politiconan local inicialmente tabata kier un plan cla pa e construccion y 100 miyon di dollar, e mita di cual tabata un regalo di Hulanda. E miembronan di parlamento y otro financieronan cu a exigi tasanan di interes mas halto.

“Extremadamente frustrante y realmente bergonsoso”, Minister Knops a bisa.” Tabata tin demasiado personanan cu a retrasa e proyecto di e manera extremadamente efectivo. Esaki no ta coresponde na Banco Mundial ni Hulanda”. Si Knops a pone mas presion?” Tambe nos ta manda e señal ey” E Minister a bisa. “Mi no por tuma decisionnan pa e gobierno di Sint Maarten. Realmente nan tin cu haci esaki nan mes”.

Retraso den otro areanan tambe
Den dies aña di tempo nuebe gobierno a cay. Knops ta wak e instabilidad politico por causa mas retraso. Por ehemplo establece e Camara di Integridad pa asina combati corupcion. Tanto Hulanda como Sint Maarten tin cu designa un miembro, pero e isla ainda no ta asina leu.

Tambe e prizon di Point Blanche ta un preocupacion importante tanto pa Knops como representantenan di Tweee Kamer. Un par di dia pasa e organisacion di Defensa ainda tabata tin cu proporciona asistencia na Sint Maarten, debi na e welga di detenidonan contra e condicionnan malo di e prizon.