(CuracaoChronicle) – Secretario di Relacionnan di Reino, Raymond Knops, no ta tribi di duna un contesta concreto na un pregunta di Tweede Kamer tocante na ki momento lo presenta e propuesta di rijkswet pa establece Entidad Caribense di Reforma y Desaroyo, COHO, na Parlamento.
“Mi ta depende riba cooperacion di gobierno di e paisnan pa e falta di tempo aki. Negociacion tocante e ley a cuminsa algun siman atras. Sinembargo, mirando e naturalesa compleho di e negociacionnan aki, no por duna un schedule definitivo na e momento aki”, Knops a skirbi na Tweede Kamer ayera.
Knops ta bisa cu e ta ‘luchando pa alcansa un toma di decision den Conseho di Minister di Reino prome cu vakantie di berano’. Despues, ‘gobierno di Reino lo procede lo mas pronto posibel pa entrega e propuesta di ley na Tweede Kamer pa manda esaki na e Parlamentonan di e paisnan Caribense di Reino’.
E complehidad na cual Knops ta referi ta, entre otro cosnan, resultado di e huicio extremadamente critico cu Raad van State a pasa riba e legislacion. E paisnan a lesa den esaki un confirmacion di nan obhecionnan na COHO, manera violacion di nan autonomia.
Otro factor complicando e situacion ta cu gobierno na Aruba y Corsou ta saliendo, y no tin e man liber pa tuma decisionnan radical. Gabinete Pisas, cu ta den construccion, ya a informa Knops cu no tin simpatia pa COHO y lo prefera traha cu organisacion neutral IMF.
