E decision pa introduci rapid test pa tur hende cu ta biaha pa Hulanda por causa perdida di trabou di miles di trahado di KLM. Pero tambe lo tin impacto riba vuelonan internacional, pasobra e obhetivo ta cu e personal tambe mester haci un test. Y si e test ta positivo, e miembro di personal di cabina di KLM mester keda atras.
KLM a laga sa cu e ta imposibel pa keda efectua vuelonan intercontinental pa motibo di e demanda pa e rapid test. E compania tin un filosofia di sali y yega hunto. Si no bin un excepcion riba e exigencia di rapid test pa e personal di cabina, KLM lo stop e vuelonan intercontinental y segun e sindicato De Unie, e lo nifica cu miles lo perde trabou. Hasta si bin un excepcion, e medida lo nifica perdida pa e compania.
Bon Dia Aruba a tuma contacto cu vocero di Triple A NV, sr. Hendrik Croes, kende a bisa cu Aruba no a tende nada di e plannan nobo pa KLM y como tal, ta sali di punto di bista cu e vuelonan ta continua normal pa awor.
