Miembronan di Kiwanis Club of Aruba (KCA) ta druk preparando pa e Charity Gala di 2024 cu un tema inspira pa “Bridgerton” cu lo bay tuma lugar diabierna 5 di oktober 2024 november na Renaissance Convention Center.
Musiconan confirma un biaha mas ta e bandanan mas popular di Aruba: Buleria, ‘N Fuzion y Tsunami. E maestro di ceremonia ta den man di DJ Metropolis. E ballroom lo ta transforma completamente den e Regency Period, un periodo durante añanan 1800.
Por disfruta di un snackbuffet, open bar pa biña, spirits, craft beer y cocktails. E fiesta aki ta e oportunidad mas grandi di KCA pa recauda fondo, pa asina por sostene diferente fundacionnan y proyectonan cu ta conta riba KCA anualmente, manera Fundacion Ban Uni Man pa Cria
Nos Muchanan, Fundacion Pa Nos Muchanan, Back to School, Kiwanis One day, Pasco den bo Bario,Traffic Awareness Campaign, Clint Whitfield Outstanding Students Award y e Panda Book.
Ebby Schwengle, president di e commission fiho di “Charity Gala” ta menciona cu “nos charity gala semper ta un exito rotundo danki na e esfuerso di Aruba su comercio pero tambe personanan individual cu ta opta pa haci un aporte. E gala aki ta e oportunidad perfecto pa comunidad di Aruba disfruta di un gala sumamente elegante, bisti den tema of den gala attire, bailando na e ritmo di nos miho bandanan, cu un tremendo snackbuffet y bebidanan di premium calidad, mientrastanto e net proceeds di cada ticket bendi lo bay directamente n proyectonan y fundacionan sostene door di KCA.
Comunidad por conta cu e fondonan genera ta wordo aloca unda ta prudente y unda ta necesario, pasobra tur proyecto y donacion semper ta pasa un screening extensivo di e club.”, Ebby ta clausura.
KCA kier gradici unabes mas nos socionan annual cu ta patronisa na e exito di e evento aki, es ta: Divino, Hodgson Trading, Cava y Bodegas Papiamento. E aña aki, pa prome vez, Bersah Aruba lo ta presente pa presenta nan nan linea di biña nobo. Tambe pa e parti di set-up y decoracion, nos kier extende un danki di curason na Elite Productions y House of Mosaic cu ta yudando nos enormemente pa e ballroom di Renaissance keda sumamente decadente! E gala caritativo ta bay tuma lugar dia 5 di oktober 2024 na Renaissance Convention Center, di 8:30pm pa 1:30am. Pa tickets, cu ta AWG 450 pa pareha, por acerca cualquier miembro di KCA of via https://www.kiwanisclubofaruba.com.
Kiwanis Club of Aruba ta existi desde 21 di november 1964 y tin como meta principal pa mehora e bida di muchanan na Aruba. Esaki ta wordo realisa door di organisa diferente proyecto pa recauda fondo trabounan boluntario y proyectonan di concientisacion. Pa mas informacion tocante Kiwanis Club of Aruba por fabor bishita https://www.kiwanisclubofaruba.com of nos pagina riba Facebook.
