(AP) – Ora cu e prome ola di e pandemia a cuminsa na India, Sanchi Jawa y su tata di 59 aña, Harish Jawa, a realisa cu nan tabatin sintoma di e infeccion di COVID-19. Nan a dicidi di isola nan mes y bay test, pero esaki no tabata facil di haci den e temporada ey den aña 2020.

E tata y yiu mester a haci varios yamada na varios diferente laboratorio priva den e capital di New Delhi prome cu nan por a aregla y haca un afspraak pa tuma nan test standard di COVID-19, cual tempo aki tabata e testnan RT-PCR.

E tabata costa casi 70 dollar pa cada test. Un prijs cu Sadi, un publicista digital y su tata, un dono di negoshi exitoso, por a paga, pero cual tabata fuera di alcanse pa mayoria di e residentenan di India, ken tin un ingreso di menos di 160 dollar pa luna, segun World Bank.

“E testnan aki mester ta accesibel na e homber comun, y tur hende mester por tin e habilidad di por ricibi y paga esaki,” Sanchi a bisa.

Mas o menos un aña despues, mayoria di e residentenan na India tin acceso na testnan PCR pa un fraccion di e costo anterior, danki na un union di gran escala ambos priva y publico, conoci como InDx, cual a crea e infrastructura di traha e testnan aki localmente na India.

Despues cu e pandemia a gra velocidad y forsa, India su gobierno, cu fondo di The Rockefeller Foundation, a encarga e pais su expertonan den innovacion di ciencia biologico avansa, e centro publicamente funda Centre for Cellular nd Molecular Platforms, of tambe conoci como C-Camp, cu e tarea di busca un manera lihe di produci e testnan localmente.

Pero esaki no tabata un tarea simpel, mirando cu mayoria di e componentenan pa e RT-PCR Test, incluyendo e mixernan cu tabata rekeri pa analisa e muestranan, no tabata traha na India y tabata depende di importacion desde China y Sur Korea, cual tabata causa cu e prijsnan lo keda halto.

India a expande di 14 laboratorio cu habilidad di conduci e testnan di COVID-19 den februari na aña 2020, na mas di 1,500 durante e siguiente 6 lunanan. E pais actualmente tin casi 3,000 laboratorio di e tipo aki.

E prijs di e RT-PCR test a baha te cu 7 dollar so den cierto parti di e pais, cual ta un prijs hopi mas accesibel pa e residentenan di India.