(AP) – Riba diasabra anochi, KISS a cera e ultimo presentacion di nan concierto “The End of The Road” na New York City su Madison Square Garden. Sinembargo manera fanaticonan di e banda sa, esaki no ta e fin completo.
Durante nan ultimo cantica, e banda su miembronan actual, fundadornan Paul Stanley y Gene Simmons conhuntamente cu guitarista Tommy Thayer y drummer ERic Singer, a baha for di escenario pa revela e avatarnan digital di nan mes. Despues di e transformacion, e banda virtual a duna un presentacion di e cantica “God Gave rock and Roll to You.”
E tecnologia avansa a ser usa pa duna un bista tocante e capitulo nobo di e banda di rock; despues di 50 aña di KISS, e banda awo ta interesa den un cierto inmortalidad digital. E avatarnan a ser crea pa George Lucas su compania di efectonan special Industrial Light & Magic den partnership cu Pophouse Entertainment Group, cual a ser co-funda pa ABBA su Björn Ulvaeus. E dos companianan recientemente a uni forsa pa e show yama “ABBA Voyage” na London, den cual e fanaticonan por a atende un concierto completo di e banda di Suecia presenta pa nan avatar digital.
Per Sundin, CEO di Pophouse Entertainment a bisa cu e tecnologia nobo aki ta permiti KISS continua nan historia pa “eternidad.” E ta bisa cu e banda no tabata riba escenario durante e presentacion virtual pa motibo cu “esaki ta e punto clave,” di e tecnologia. “KISS por tin un concierto den 3 ciudad na mesun tempo den 3 diferente continente. Esaki ta un di e cosnan cu bo pro haci su e tecnologia aki.”
Pa por crea nan avatar digital, kendenan ta un tipo di version superheroe di e grupo, KISS a haci e presentacion den vestuario special cu ta captura e movemento di e curpa.
Experimentacion cu e tipo di tecnologia aki a keda bira cada biaha mas comun den cierto seccionnan di e industria musical. Cantante di Kpop Mark Tuan a uni cu Soul Machines pa crea un twin digital yama “Digital Mark” cu ta autonomo. Den ahci esaki, Tuan a bira e prome celebridad cu a pone su imagen riba un tecnologia di inteligencia artificial cu practicamente ta permiti e fanaticonan tin un combersacion personal cu Tuan su avatar. Tambe e grupo Aespa sa duna presentacionnan conhuntamente cu nan avatar digital, e quartet tin e intencion di ser mira como un grupo di 8 miembro cu nan twin digital. Otro grupo yama Eternity a ser crea completamente cu caracternan virtual, sin ser humano.
“Nos por ta hoben y iconico pa semper pa medio di hiba nos luganan cu nunca nos no por a ni soña antes,” KISS su bahista Gene Simmons a agrega. “E tecnologia ta bay pone Paul bula mas halto cu el a yega di bula antes.”
