Despues cu den fin di siman redaccion di Bon Dia Aruba a haya varios denuncia cu for di diferente oficina di gobierno tabata sacando gran cantidad di documento hiba na un dump (ilegal?) na Tamarijn. Dialuna diripiente a cuminsa un candela basta grandi riba e dump aki, cu a laga gran parti di Paradera den huma desagradabel gran parti di dia. Redaccion a trata di comunica cu Serlimar pa averigua si ta bao responsabilidad di e entidad aki e candela tabata tuma luga o si ta trata di dump ilegal riba tereno priva. No tabata por a haya contacto via telefon den curso di ayera tardi.
Si acaso mes e candela no tin nada di haci cu kimamento di tal documentonan, ta keda e pregunta di unda a sali cu diripiente tin hende ta haya ta bon pa venena henter un bario cu huma penetrante. Fuera cu aparentemente nada ta sucediendo pa resolve e problema na dump na Parkietenbos, awor otro bario tambe por experiencia con desagradabel ta pa henter ora ta den e huma penetrante aki. Pa informacion riba e echonan di e candela aki cu nos a colecta y publica, click akinan: ‘Candela dump Tamarijn a core habitantenan for di nan cas’
