(PageSix) – A descubri Kim Scott sangrando excesivamente den baño di su cas na Michigan na momento cu polis di Macomb County a responde na un yamada luna pasa asvertiendo cu e por a intenta suicidio, segun un reporte di polis obteni exclusivamente pa Page Six mediante un solicitud riba Freedom of Information Act.
Ex-esposa di rapper Eminem tabata sinta riba vloer di su baño riba dia 30 di juli cu un ‘obheto no identifica’ den su man y tabatin ‘un gran cantidad di sanger’ rond di dje pa motibo di ‘cortanan profundo na su pianan’, e reporte a bisa.
Mester a contene Scott, di 46 aña di edad, despues cu supuestamente el a intenta di dal e agente cu a responde na e yamada, segun e reporte, cu a nota cu e tabatin ‘dificultad pa papia, lastra su palabranan y despues tabata bin y bay di varios nivel di consciencia’.
E agente di polis tambe a nota den e reporte cu a dun’e un ‘caha chikito di carton’ cu tabata yen di ‘mensahenan bruha’ na famia di Scott. Tabata inclui un ‘solicitud pa no resucita skirbi pa su mes’ cu tabata pega na e caha cu loke tabata parce di ta un ‘clompi di sanger’.
E agente di polis a entrevista algun persona na e escena, kende nan nomber a wordo redacta den e reporte. Sinembargo, a describi un di nan como amigo di e mama fayecido di Scott, kende a bisa cu el a ricibi un mensahe ‘fuera di caracter’ via texto for di Scott, pues a bay su cas pa check riba dje y a hay’e ‘rondona pa sanger’.
Scott tabata hospitalisa riba dia 30 di juni despues di e intento di suicidio, cu a tuma luga apenas un siman despues di morto di su mama, Kathleen Sluck. Un entiero pa Sluck a tuma luga na Lee-Ellena Funeral Home riba dia 29 di juli.
Scott ta comparti yiu muhe Hailie Mathers cu Eminem. Ni e rapper ni Hailie a comenta publicamente riba e tragedia casi fatal.
