(TMZ) – Kim Kardashian ta usando su bos pa lucha pa permiti un tata encarcela di un di e victimanan di e tiroteo na Uvalde por atende e funeral di su yiu.
Kim Kardashian a uni na e peticion, demanda y lucha pa permiti un tata encarcela ricibi libertad temporal pa e por atende e funeral di su yiu muhe.
Kim a publica un ptoret di e hobensita di 10 aña Eliahana Cruz Torrez riba diahuebs bisando “su famia desesperadamente ta spera cu su tata, ken ta encarcela pa un ofensa no violento relaciona cu droga, ricibi libertad temporario pa asina e por asisti e funeral di su yiu.”
Te cu awo, e peticion pa Ellie su tata ser otorga e libertad aki a ser nenga, Kim a sigui bisando “Mi ta pidi Federal Bureau of Prisons otorga Eli Torres libertad temporario pa e por dispidi di su yiu muhe. Tur mayor ta merece e derecho aki.”
Kardashian ta uni na un cantidad cu ta keda aumenta di persona cu ta pidi pa Torres ricibi e oportunidad di ta presente na e funeral.
Torres, ken ta encarcela na Kentucky, cumpliendo un sentencia di 25 aña pa trafico di droga, a ricibi e opcion di mira e funeral via livestream, sinembargo el a expresa deseonan fuerte di ta presenten.
Den un entrevista cu The Houston Chronicle, Torres a bisa cus u erornan a costa mas cu solamente su libertad, bisando di e tiroteo cu “di algun manera mi por a preveni esaki di tuma luga, di algun manera, como un tata, mi por a proteha mi yiu.”
Manera ta conoci pa varios caba, Ellie y 18 otro di su compañeronan di scol, conhuntamente cu 2 docente a ser herida mortalmente ora cu un hoben di 18 aña a los tiro na e scol.
