(AP) – Kim Kardashian su linea di paña interior a uni cu un partner grandi, NBA, pa ta e paña interior oficial di e liga. E anuncio aki a bini dialuna, unda a informa cu SKIMS awo ta un colaborador oficial di e asociacion nacional di basketball, tambe conoci como NBA y e partnership aki ta bay mas leu cu e liga di hende homber. SKIMS lo ta den WNBA, cual ta e asociacion nacional di basketball pa hende muhe y USA Basketball.
E partnership aki nobo ta parti di un trato cu tin varios capa y ta un victoria grandi pa Kim. Ademas, esaki lo duna SKIMS un nivel completamente nobo di exposicion y fama. El a expresa cu e “ta hopi orguyoso di e partnership entre SKIMS y NBA, ademas di ta un refleho di SKIMS su influencia cu ta creciendo den cultura. Hunto, SKIMS y NBA lo por conecta hende di tur tipo di antecedente via moda, deporte y talento y mi ta emociona pa wak e partnership aki crece.”
Awo, den termino di loke nan ta bay haci hunto ta un poco ambiguo actualmente. Silver ta bisa cue fanaticonan lo cuminsa mira SKIMS di un manera creativo den eventonan di e liga for di awo en adelante, incluyendo weganan All-Star, torneonan di temporada y tambe Playoffs. Basicamente, prepara pa mira e hungadornan usando e marca y e nomber di e marca na stadionnan y mas.
Esaki ta bini net despues cu Kim a lansa su linea pa hende homber, cual tin un record di benta den e mercado digital y a colabora cu atletanan di perfil halto manera Neymar Jr, Nick Bosa y te hasta Shai Gilgeous-Aleander.
