(AP)—Ambos presidente Ruso Vladimir Putin y lider Nort Koreano Kim Jong Un ta bisa cu e partnership strategico cu nan a firma ayera ta un logro. Pero ningun banda a publica e texto di e acuerdo cu a resulta for di nan cumbre na Pyongyang, y su consecuencianan pa e terminonan largo no ta claro.
Relacion entre Rusia y Nort Korea a relaha significantemente den e ultimo añanan den medio di e acrimonia creciente di Rusia cu e West tocante e invasion di Ucrania y supresion di tur oposicion domestico. E acuerdo por trece nan mas hunto, mientras cu e ta presenta desafionan nobo pa e comunidad internacional.
Putin a conta den un reunion despues di firma cu “e acuerdo di partnership comprensivo ta provee, entre otro, pa e provision di asistencia mutual den e evento di agresion contra un di e partidonan inclui den e documento aki.” Esaki ta trece cune e pregunta di kico por ser considera “agression.” Historicamente, ambos partido a usa e palabra pa denuncia accionnan cu no ta cumpli completamente cu loke por considera un atake fisico, of hasta un cyberatake.
Nort Korea ta tuma un perspectiva specialmente mas amplio. Ta comun pa Pyongyang yama e ehercicionan militar entre Merca y Sur Korea como “agression,” describiendo nan como preparacion pa invasion. Frecuentemente e nacion mes ta conduci su testnan misil of otro show militar como parti di un represalia.
E supuesto agresionnan no mester ta accionnan mes. Nort Korea a denuncia critica Mericano di e historia di derecho humano na Nort Korea como “e metodo principal di agresion, hunto cu menasa militar, (cu) e DPRK lo mester tuma den consideracion e opcion decisivo y resoluto pa defende e soberania y seguridad di e estado den un manera amplio.” E nomber formal di e pais ta e Democratic People’s Republic of Korea, or DPRK, na Ingles.
Kico lo ta respuesta?
E tipo di apoyo priminti den e acuerdo no a ser nombra detayadamente, a pesar di e clausula di Articulo 5 di NATO cu ta rekeri nacionnan miembro pa tuma e accion cu nan ta considera necesario. Den nan splicacion di e acuerdo, ni Putin of Kim a bisa si e ta specifica si e asistencia lo ta tropa, material of algun otro sorto di ayudo.
Kico ta e aspecto economico di e aliansa?
E partnership tambe ta haci yamado pa relacionnan economico den desaroyo, un asunto specialmente importante pa Nort Korea como cu e ta sufri di un variedad di sancionnan internacional. Nort Korea mester producto y material, y na su turno por suministra e forsa laboral di Rusia cu trabao; e trahadornan ey por converti salarionan den rubles pa dollar of euro y manda placa cas.
