(AP)—Miho bo keda pendiente pa gara e supermoon e siman aki. E por ta un rato mas prome nos wak un otro. Esaki lo ta e di cuatro y ultimo supermoon di aña, mustrando mas grandi y mas cla cu normal mientras e ta briya casi 361,867 kilometer for di Tera diahuebs. Su fase completo lo ta diabierna.
Ta anticipa cu e supermoon lo subi despues di e peak di e caida di meteoro Taurid y prome cu e Leonids ta mas activo. E supermoon di luna pasa tabata 4,500 kilometer mas cerca, haciendo esaki esun di mas cerca di aña. E serie a cuminsa na augustus.
Pa 2025, anticipa tres supermoon cuminsando october.
Kico ta haci un luna “super”?
Mas como un termino popular cu cientifico, un supermoon ta sucede ora un fase lunar completo ta cay den sincronia cu un birada cerca rond Tera. Esaki sa pasa usualmente tres pa cuatro biaha pa aña y tras di otro, mirando e cambio constante orbito di e luna.
Un supermoon obviamente no ta un luna mas grandi, pero e lo mustra asina, aunke cientifico ta bisa cu e diferencia apenas por ser notable.
