(TooFab) – Kevin Bacon ta detayando su experiencia perdidendo “mayor parti” di su fortuna despues di bira victima di e Ponzi Scheme di Bernie Madoff.
Durante un presentacion riba e podcast SmartLess, di Will Arnett, Jason Bateman y Sean Hayes, e actor di 64 aña di edad a papia tocante su inversionnan fracasa cu Madoff, y con e y su esposa Kyra Sedgwich a casi perde tur cos despues cu el a collapse despues di e crisis financiero di 2008.
“Nos tabatin mayor parti di nos placa den Madoff”, Bacon a confesa. “Tin un les di bida obvio aki – si algo ta demasiado bon pa ta berdad, e ta demasiado bon pa ta berdad.”
E estafa di Madoff ta considera un di e Ponzi Scheme mas grandi den historia, cu un balor calcula di $65 biyon.
Maske ni Bacon ni Sedgwick a papia publicamente di cuanto placa nan a perde, e strea di Footloose a revela cu e pareha a logra recupera “un porcion” di nan perdida.
Kevin tambe a papia riba e Madoff Victim Fund, un demanda cu a yuda victimanan recupera nan finanzas. E fondo te awo a debolbe mas di $4 biyon na 40mil victima segun su website.
“Sigur bo ta rabia, pero mi mester bisa, tabatin hopi hende cu a keda pio cu nos – hende di edad avansa, hende cu a decima nan placa di retiro”, Bacon a bisa. “Pues semper tin un hende cu tine pio cu bo.”
Mientras Bacon y su famia ainda ta sinti e efectonan di nan perdida, e actor a bisa cu e y Sedgwick no a perde nan sentido di optimismo. “Ora algo asina ta sucede, bo ta mira otro y bisa, ‘wel, esey ta teribel y ban lora manga y traha’. Nos a yega te aki, nos yiunan ta saludable, nos ta saludable, bo sa? Ban wak loke nos tin cu ta bon. Ainda nos dos por traha”, el a bisa, agregando cu “mi ta kere hende no ta contento di scucha mi keha pa placa.”
Madoff a fayece aña pasa cu 82 aña di edad den prison, cumpliendo un sentencia di 150 aña pa su crimen financiero.
