Na Nairobi, e doctor ta test na un hospital e pashent cu ta mustra sintoma di algo pareci na Ebola. Congo ta purbando di controla e malesa, mirando cu 1.400 persona a fayece y e virus ta coriendo rond. Na Uganda tin dos morto pa un keintura fuerte cu ta causa sangramento.
Si confirma cu e pashent tin Ebola, esey lo ta e prome den e pais cu e virus, y ta representa un preocupacion si e malesa ta sigui core rond. Kenya nunca a experiencia un brota di ebola.
E pashent femenino ta den isolacion na hospital ‘Kericho Country Referall’ unda cu e staf tambe ta tumando precaucion pa asina evita contacto, segun declaracion di Timothy Kimei, vocero di e hospital. Segun informe di Kenya su media, e pashent a ricibi bishita di su casa y tres otro miembro di famia, cu tambe ta bou di observacion.
Minister di salud di Kenya a bisa cu tin vigilancia rapido, hunto cu team di emergencia cu ta examina pashent nan condicion stabiel. E ta confirma cu e no pashent no ta pas den definicion di Ebola. Na Aeropuerto Internacional di Nairobi ta tumando screening pa check pasahero si tin sintoma.
Segun famia di e pashent, ta kere cu a obtene e malesa na un funeral cu miles di persona a atende. Un experto di Comite di Organisacion Mundial di Salud a bisa cu malesa coriendo rond ta un evento extraordinario, y ta trece preocupacion grandi, pero no ta un emergencia global.
