(TMZ) – Kendall Jenner no mester cambia su codigo di area den su marca di Tequila 818 pa motibo cu el a yega un areglo den un demanda cu a para e bentanan di su tequila.
Kendall su compania a keda demanda pa e doñonan di Tequila 512. Tequila 512 ta e codigo di area pa Austin Texas. Kendall su marca ta yama 818 Tequila, na nomber di San Fernando Valley unda su famia a cuminsa.
512 a acusa 818 di a copia nan marca, y pa agrega na e acusacion e marcanan tin colornan, skemanan y diseño similar.
512 tambe a acusa cu Kim su aplicacion yama Kim Kardashian: Hollywood a promove 818 tequila, sinembargo 512 su boter ta esun usa den un imagen di Kim den e aplicacion ta wanta e tequila.
Apesar di tur e acusacionnan aki, ambos marca a yega na un acuerdo y a aregla e demanda, den cual a resulta cu ambos por sigui usa nan codigonan respectivo. CEO di Tequila 512, Nick Matzorkis a conta TMZ cu e demanda “contra 818 Tequila a keda aregla. E partidonan a keda di acuerdo cu ambos tin e derecho di usa nan nomber existente y ambos lo haci cambio na nan diseño y marca pa asina clarifica cu nan no ta relaciona cu otro. Tequila 512 a retira e caso.
Bao termino di e acuerdo, Tequila 512 lo agrega “Est. 2012” na nan marca. Te ainda no tin informacion na ki cambionan 818 lo haci.
