WILLEMSTAD – “Un hende tin di paga e gasto nan di Icaro mara na Bullenbaai. Despues cu corte civil a ordena pa laga e barco bay, e gasto nan envolvi a suma 800 mil florin. Icaro a wordo mara na cadena for di december 2018 y tabata Costa mil dollar pa cada ora na Jetty 1 di Bullenbaai.
Awor cu hues civil Pieter de Kort, a ordena pa laga Icaro bay, e barco por crusa canal y yega Venezuela, pero chens ta grandi cu por lo pronto Corsou lo no mira Icaro debi na e prohibicion impone pa Maduro. Aparte di a Costa 800 mil dollar pa mara na Bullenbaai, un otro problema lo bira ta ken t’ey paga e descarga di e crudo pa hiba deposito den tanki. Esaki tambe lo Costa miles di dollar. Esaki por nifica cu Isla lo pomp e crudo manda Schottegat, pero lo manda factura despues of inicia un caso nobo pa pago di e gasto nan.
