(NLTimes) – Aña pasa, cuerpo policial Hulandes y muncipalidadnan a registra mas reportahe di discriminacion pa un di 3 aña consecutivo.
Institute for Human Rights y National Ombudsman tambe a ricibi mas reportahe compara cu e aña anterior. Kehonan tocante discriminacion di parti di gobierno a bira dobel, Volkskrant a reporta a base di un reportahe publica pa Art.1 riba diamars.
Ombudsman a mira e cantidad di kehonan tocante discriminacion di parti di un agencia di gobierno bira mas di dobel cu 321 reportahe. E instituto pa derechonan humano a lidia cu 700 caso aña pasa, cual tabata un aumento di 16 porciento compara cu aña 2020.
Cuerpo policial a registra mas o menos 6,580 caso di discriminacion, 7 porciento mas cu e aña anterior. Mayoria di e kehonan aki ta trata discriminacion basa riba origen of orientacion sexual. Hulanda su 3 ciudadnan mas grandi tabata responsabel pa un porcion significante di e reportahenan. 14 porciento di e reportahenan a bini for di Rotterdam, e mesun porcentahe for di Den Haag y 13 porciento for di Amsterdam.
Municipalidadnan a ricibi 6.922 reportahe di discriminacion via e agencianan independiente anti-discriminacion cu nan ta rekeri di tin. Esaki ta un aumento di mas di 25 porciento compara cu e aña anterior. Mayoria di e reportahenan ricibi tabata tocante e ‘coronavirus access pass’ y e obligacion di bisti tapaboca. Hendenan cu no tabata kier of no por a cumpli cu e medidanan di coronavirus a sinti cu nan tabata victima di discriminacion segun e corant.
Act.1 a traha e reportahe na peticion di National Police y Ministerio di Asuntonan Interno y Relacionnan di Reino.
