Den nos edicion di ayera, a publica cu varios persona lo a bira malo despues di come na KFC San Nicolas y cu nan mester a haya atencion medico. Segun Patrick Laclé di Departamento di Salud Publico a bisa cu keho nunca a wordo entrega na nan departamento. Y ta cuestiona si e ta algo cu realmente a tuma luga.
Sr. Laclé a sigui bisa cu a bay controla esaki cu hospital tambe como cu e persona ta menciona cu e lo a bay hospital etc. No tin niun hende manera e comentarionan ta indica cu a bay hospital sea a haya tratamento. Niu na hospital na Playa ni na Centro Medico Imsan na San Nicolas como cu supuestamente ta trata di e KFC na San Nicolas cu a sirbi mal cuminda.
Locual ta remarcabel segun Sr. Laclé, cu e mesun e-mail cu ta circulando aparentemente ta pertenece na un persona keha como trahado. Pues locual cu ta investigando aworaki ta si ta trata di un ex empleado di e compania cu aworaki ta dunando e compania un mal nomber. Algo cu ta conoci cu sa sosode segun sr. Laclé.
Pa loke ta e investigacion, el a bisa cu dialuna anochi a bay KFC San Nicolas unda cu a menciona cu lo a come e cuminda cu a pone e persona bira malo, pero no a haya nada particular. Dienst Besmettelijk Ziekten (DBZ) ta sigui investiga e caso aki hunto cu Imsan pa wak kico specificamente a pasa.
