Bisti un mondkapje, pero glove no ta necesario. No desinfecta appel. Si bo tin mas di 65 aña di edad, ainda ta miho pa bestel online.

Erin DiCaprio, virologo di cuminda di Universidad di California, Davis, a ricibi cantidad di pregunta tocante riesgo di coronavirus den supermercado, y con pa keda safe mientras ta haci compras durante e pandemia. Aki algun contesta.

Por mishi cu tomati? Locual bo mishi cune riba reki di supermercado ta menospreocupante cu ken ta saca rosea riba bo y otro superficienan cu cual bo por tin contacto den un tienda. De hecho, no tin evidencia cu e virus ta transmiti via cuminda of paki di cuminda.

Por a tende di estudionan mustrando cu e virus por keda infeccioso hasta 24 ora riba carton y hasta 72 ora riba plastic of stainless steel. Esakinan ta laboratorio controla den estudio, den cual nivelnan halto di virus infeccioso ta ser aplica na e superficie y humedad y temperatura ta keda constante. Den e experimentonan aki, e nivel di virus infeccioso – virus capaz di causa malesa – a reduci hasta despues di algun ora, indicando cu e virus no ta sobrevivi bon riba e superficienan aki.

E riesgo mas grandi ta contacto cercano cu otro persona kende por ta lansando ‘druppel’ di virus mientras nan ta nister, papia, of hala rosea cerca.

Pa locual ta superficienan cu ta toca hopi, manera handle di porta, unda un persona cu no tin bon higiena di man por transferi e virus riba e superficie, bo lo mester mishi e superficie y despues mishi bo propio ‘mucus membrane’ – wowo, boca of horea – pa contrae e malesa. Pensa con hopi un superficie ta wordo toca, y despues dicidi si por evita e luganan mas riesgoso of usa hand sanitizer despues di toca nan. Hopi mas hende ta mishi handle di porta y mashin di credit card compara cu un tomati den un caha.

Mester desinfecta mi cuminda ora mi yega cas? No, y purbando di haci esaki por ta peligroso. Kimico y habon no ta recomenda pa uso den cuminda. Esaki ta nifica nos no sa si nan ta safe of hasta efectivo na momento di aplica directamente riba cuminda.

Es mas, algun di e practicanan aki por crea peliger pa siguridad di cuminda. Por ehempel, si bo yena un sink cu awa y hinca bo berdura den dje, microorganismo patogenico den bo sink – ban bisa, trapa den e drain di e galiña curu cu bo a corta e anochi prome – por contamina bo berdura.

Locual mester haci ta laba berdura bou cranchi cu awa friu y seca esaki cu un serbete limpi.

Tampoco mester warda pa saca cuminda of caha ora di yega cas, sino mesora di yega, laba man. Laba man frecuentemente, usando habon y awa y secando cu un serbete limpi, en berdad ta e miho defensa pa protege bo mes for di e virus aki y cantidad di otro malesa infeccioso cu por ta riba un superficie of pakete.

Mester bisti glove den supermercado? Glove actualmente no ta recomenda pa bishita supermercado, en parti pasobra nan tambe por yuda plama virus. Si bo bisti glove, sa cu nan ta pa un solo uso, y tira nan afo ora bo ta cla cu compras. E miho practica ta pa laba man despues di kita glove. Si no tin awa y habon, usa hand sanitizer.

Con mester haci cu otro hende? Nos ta bisti mondkapje pa protege otronan. Bo por tin COVID-19 sin sa, pues bisti e mondkapje por yuda bo transmiti e virus si bo ta asintomatico. E mondapje tambe por duna un nivel di proteccion na esun cu bistie, pero no ta tene tur druppel infeccioso leu, ni ta 100% efectivo pa preveni malesa.

Sigui guia di distanciamento social – keda 2 meter leu di persona – ta hopi importante ora bo ta den tienda of otro espacio cu otro hende. Si bo tin mas di 65 aña di edad, of tin sistema immuun comprometi, mira si e tienda tin orario special pa poblacion den riesgo, y considera pa pidi delivery miho.

Mi por trece mi saconan reusabel? Algun tienda rond mundo a stop permiti uso di saco reusabel pa motibo di potencial riesgo na nan trahado. Si bo usa un saco di nylon of plastic, laba e saco paden y pafo cu awa cu habon y seca esaki. Spray of pasa un paña den e saco cu desinfectante of clorox y lag’e seca. Pa saco di tela, lab’e den awa cayente cu detergente, y seca esaki den e setting mas cayente posibel.

Tur hende mester ta mas consciente di nan entorno pa keda sigur durante pandemia. Corda bisti mondkapje y tene distancia di otronan, asina por minimisa riesgo.