(AP)—Strea di Hollywood Keanu Reeves a haci su debut den racing profesional diasabra den un evento den cual e strea di “The Matrix” a core riba e pista famoso di Indianapolis Motor Speedway.
Reeves a perde control un rato riba yerbe sin accidenta riba e salida di Turn 9 un tiki mas cu mita caminda durante e careda di 45 minuut. El a drenta atrobe y a sigui core, señalando cu e no tabata herida.
Reeves ken a cualifica na di 31 luga di e 35 participante en total, a core alcansa lo mas halto riba e di 21 luga y a preveni un accidente durante e prome ronda riba salida di Turn 14. Reeves a caba na di 25 luga e careda ey.
Reeves, ken tin 60 aña di edad, ta competiendo na Indianapolis den e Toyota GR Cup, un serie spec-racing di Toyoto y un serie sostenedor pa e evento di auto deportivo Indy 8 Hour. El a core su segundo careda ayera.
Reeves ta coriendo e auto No. 92 BRZRKR, cual ta promoviendo su novela “Thee Book of Elsewhere.” E ta compañero di Cody Jones for di “Dude Perfect.”
Reeves tin experencia den racing for di su pasado como un ex-participante den e Toyoto Grand Prix di Long Beach den e careda di celebridadnan. Reeves a gana e evento na 2009. E ta planea pa asisti na e screening di 30 aniversario di “Speed” mañan na Los Angeles, hunto cu su colega den e pelicula, Sandra Bullock.
