(AP) – E Prinses di Wales a bishita e hospital unda el a ricibi tratamento pa cancer diamars, ofreciendo gratitud na e ekiponan medico cu a yud’e y pa duna sosten na e pashentnan cu actualmente ta ricibiendo tratamento.
Kate, como e ta conoci comunmente, a haci un bishita na Royal Marsden Hospital na London, un centro di cancer di nivel halto conoci pa su investigacion pionero. E no a keda revela anteriormente cu el a ricibi tratamento na e sitio aki.
“Mi tabata djis bisando cu, drenta for di dilanti awe, despues di a haci asina hopi bishita keto y priva, ta algo bunita,” el a bisa despues di a yega via e hospital su entrada principal. Su oficina na Kensington Palace a enfatisa cu e lo sigui regresa na compromisonan den publico, pero gradualmente. E palacio a describi e bishita como “un refleho di su propio lucha cu cancer.”
E famia Real a ser golpia pa preocupacionnan di salud aña pasa, cuminsando den januari di 2024 cu e Rey lo ricibi tratamento pa un prostaat engrandeci y Kate lo a ricibi operacion den su abdomen.
Den februari, Buckingham Palace a anuncia cu Charles lo ricibi tratamento pa un tipo di cancer cu no a revela. 6 siman despues, Kate a revela cu e tambe, ta ricibiendo tratamento pa cancer, poniendo un fin na e speculacion di su condicion di salud cu tabata circulando riba rednan social desde su operacion.
El a anuncia den september di aña pasa cu el a completa su kimoterapia.
