(infobae) – Siguidonan di Karol G finalmente a ricibi un contesta di parti di e Bichota, kende a mantene leu di e critica cu su lansamento mas recien, +57, a ricibi. E tema incluso a provoca cu director di Icbf, Astrid Caceres, a comenta riba e letra di e cantica, cu tabatin un frase en particular cu tabata bisa “mamacita desde los fourteen (14),” haciendo referencia na edad di un menor.
“Karol G, Maluma, mi ta invita boso conoce e storianan hororoso di explotacion sexual, violacion y asesinato di muchanan muhe di 14 aña y menos na Medellin, storianan di e sobrevivientenan y loke boso ta canta den rumba ta expone of protege nan. No tin mercado cu ta hustifica e letra aki,” e publicacion di Caceres ta expresa, cu un alegoria na e critica di e revista Rolling Stone.
E artista a emiti un comentario despues di dianan di warda silencio tocante loke ta pasando rond di e colaboracion cu el a haci cu varios di su coleganan. Segun el a bisa inicialmente, e ta sinti agradecido cu esnan cu ta sigui su trabao y ta apoy’e, haciendo referencia na e labronan social cu e ta realisa hunto cu su fundacion.
Den e mesun comunicado cu el a comparti cu su siguidonan, Karol G a sigura cu como artista e ta compronde cu semper e ta exponi na opinion publico, teniendo cuenta cu e interpretacion cu cada persona ta duna na su contenido como cantante. Di mesun manera, el a lamenta e hecho cu a utilisa publicacionnan falso tocante mensahenan cu “supuestamente” el a skirbi riba X y cu despues a elimina, “cuenta cu mi no ta usa mas di seis luna atras.”
Finalmente, Carolina Giraldo, nomber legal di e cantante, no a duda den gradici e sosten cu el a ricibi di su siguidornan, “pa boso amor y apoyo incondicional,” como tambe a gradici e artistanan cu a forma parti di e tema musical polemico: “Mi ta warda den curason e energia bunita cu cual nos a traha e dia ey,” el a conclui.
