Kanye West lo lansa su propio linea di beyesa vincula na productonan di makiyahe y cuido di cabey. E esposo di e mediatico Kim Kardashian a dicidi di amplia su linea di negoshi na cosmetica, kisas motiva pa e exito di e famoso clan familiar, vincula na e tipo di empresa aki.
E rapper ta parce di tin intencion di amplia su linea di moda Yeezy, den cual lo inclui un variedad di producto di bienestar y estilo di bida – segun TMZ – den cual lo incorpora tambe crema di feita, perfume of gel di baño, ademas di producto pa hogar relaciona cu aromaterapia.
Aña pasa, e productor musical polemico a gana $170 miyon, den su mayoria producto di su contract cu Adidas, empresa cu cual el a lansa su marca di paña y sapato deportivo. Y su seyo discografico Good Music ta balora den $90 miyon.
No ta prome biaha cu West ta purba drenta mundo di beyesa. Na 2017 el a presenta un marca registra, Donda Beauty, yama na honor di su defunto mama, cu no a despega den e mercado. E cantante di Atlanta di 43 aña di edad tambe a encabesa e lista anual di Forbes di e celebridadnan miho paga den mundo, divulga na cuminsamento di juni.
Su esposa ta doño di KKW Beauty, un linea di beyesa y cosmetico cu tin 4 miyon siguido riba rednan social, y segun datonan di Forbes, a genera 100 miyon dollar aña pasa.
E strea di television tambe ta doño di ‘Skims’, un linea di paña interior ‘invisibel’ cu ta ahusta na diferente tipo di curpa sin laga marca.
Kylie Jenner, medio ruman di e rumannan Kardashian, a lansa cu un inversion di $250mil un exitoso linea di lipstick cu na 2016 tabata conta cu decenas di producto.
