(CNN) – Vice-presidente Kamala Harris a haci un movemento agresivo pa reduci e liderazgo di Donald Trump den e encuestanan di inmigracion, biahando pa e frontera sur pa prome biaha como un candidato Democrata pa presidencia di Merca diabierna ultimo pa pone su plannan pa atende loke el a describi como un problema cu a debilita pa decadanan.

Harris, durante su biahe pa e estado clave di Arizona, a critica Trump pa su rol na cuminsamento di e aña aki den sink un proyecto di ley di seguridad di frontera cu tabata e producto di lunanan di negociacionnan bipartidista.

Tabata un di e discursonan tocante politica mas specifico di Harris for di momento cu el a bira candidato Democrata, purbando di usa su pasado como procurador general di California pa mustra cu e tin loke ta necesario pa ataca Trump riba asunto principal di campaña.

“Tabata e proyecto di ley di seguridad di frontera di mas fuerte cu nos a mira den decadanan. E tabata aproba pa e sindicato di Patruya di Frontera y e mester ta na vigor awe, produciendo resultadonan den tempo real, aworaki, pa nos pais,” el a bisa den un mitin na Douglas, un ciudad na frontera di Merca y Mexico.

Mientras tanto, e ex-presidente a responde na e biahe di Harris pa frontera door di aumenta su discurso riba inmigracion. Resaltando crimennan violento cometi pa inmigrantenan indocumenta, Trump a bisa un multitud na Walker, Michigan, cu Harris “a entrega e horornan aki.”

Trump tambe a bolbe acusa Democratanan falsamente di laga hende drenta e pais ilegalmente pa motibo cu “nan kier e votonan.” Hende sin ciudadania Mericano no por vota den eleccion Mericano, un realidad ignora pa Trump, ken pa añanan a gaña tocante fraude generalisa den e eleccion di 2020.

E ofensiva democrata riba inmigracion y seguridad di frontera ta un intento pa reduci un di e ventahanan politico mas claro di Trump. Un encuesta di CNN conduci pa SSRS y publica e siman aki a haya cu 49% di votadonan probabel ta confia e ex-presidente pa maneha inmigracion, mientras cu 35% ta confia Harris pa haci esaki.

Diabierna ultimo, Harris tambe a trece proposicionnan pa fortalece restriccionnan cu pa gran parti a stroba migrantenan di busca asilo na Merca. El a bisa cu e lo busca e caminda pa ciudadanonan inmigrante indocumenta cu a ser treci na Merca ora nan tabata mucha.

“Nan ta Mericano den tur sentido. Pero ainda nan no tin un caminda gana pa ciudadnan y e problema aki a keda sin resolve pa decadanan caba,” Harris a bisa.

E bataya riba inmigracion y seguridad di frontera ta bini na un momento raro den un careda presidencial den cual e atencion di e candidatonan di tur dos partido a desvia.

Cu menos cu seis siman te cu Dia di Eleccion, e mapa presidencial di 2024 ta keda desconecta, cu shete estado di tendencia electoral insigur ta bini den enfoke.