(TMZ) – Justin Bieber ta batayando un virus severo, cu a laga e banda drechi di su cara paralisa, y e lo mester tuma un tempo fuera di trabao pa por recupera.
E cantante a publica un video riba diabierna unda cu el a splica na su fanaticonan e motibo dicon varios di su shownan a keda posponi durante e siman recien aki, splicando cu el a ser diagnostica cu e sindrome Ramsay Hunt Syndrome. Bieber a conta cu esaki a afecta un nervio den su horea, cual a causa e paralisis parcial aki.
Manera por mira den e video cu e cantante a publica, Justin no por blink cu un di su wowonan y solamente por smile cu un banda di su boca. Mientras cu Justin Bieber ta pidi despensa na su fanaticonan pa e decision di pospone su conciertonan recien, el a bisa cu e situacion ta “hopi serio” y cu e lo mester tuma un tempo indetermina off pa asina e por enfoca riba su salud y bolbe back na un estado saludabel.
E ta sigui conta tambe cu actualmente ta den tratamento, haciendo ehercicio facial y cu pa medio di haci su maximo esfuerso y dedica su mes na su mehoracion, tur cos lo bolbe back normalidad, e unico problema ta cu no tin un tempo determina pa logra esaki.
Justin Bieber su tour mundial Justice World Tour a cuminsa anteriormente den februari, sinembargo el a yega na un obstaculo ora cu ambos su persona y Hailey Bieber a haya COVID-19.
