Pa e di tres parti di comprondiendo nos mes un poco mas den tempo di crisis, Jurisky Geerman ta comparti su conocemento di cu tin di nos no ta actua agresivo den presencia di miedo pero ta sinti inconfortabel y tin dificultad pa conforma cu situacion en general.

Por ehempel ora Toque de Queda a wordo introduci, cual ta un medida rigido, y cu diripiente (asina por a sinti, aunke a duna algun dia prome cu el a bay na vigor) a kita hopi libertad ‘cu nos tabata tin’.

“Ya nos tawata den un situacion unda nos no sa kico ta bay pasa, y riba dje nos a wordo limita tambe for di cosnan cu nos conoce y cu di un of otro forma tabata duna siguridad. E no ta straño mirando e situacion e ora ey cu e prome dianan di Toque de Queda e cantidad di hende cu a wordo deteni tabata halto compara cu awor”, el a splica.

Segun Geerman ta bisa cu obviamente tur hende mester a custuma cu e reglanan nobo y parti di e custumber ta custuma cu tur e emocionnan cu nan a trece cune, cu ta consciente di esaki of no. Y pa esey a pasa (mas of menos) tabata mester di tempo.

Esey ta na nivel di comunidad, y si bo wak bo mes como individuo ‘mi ta sigur cu b’a sinti algun incomodidad tambe pa por deal cu e cambionan’. “Toch? Con cu bo a sinti of no sinti, actua of no actua en todo caso ta bisa algo di bo.”

E ta bisa cu no ta nada malo ‘ami en todo caso no ta husga bo’ djis un observacion y informacion importante ‘pa bo over di bo mes’. Con precies ta sinti ora cu tende di e limitenan cu lo a bay wordo poni?

Y unabes cu nan a bay na vigor? Si a nota algun ‘kishikishi’,un tendencia pa ‘core haci algo?’ Kisas e reaccion tabata di rebeldia? Y opina delaster un cos negativo over di e decisionnan tuma? Actua rabia? (Cual ta otro cu sinti rabia).

“Of kisas bo a preocupa hopi, y awor con mi ta haci cu tal tal cos? Y con cu ta cu b’a sinti y actua, con largo of cuanto tempo bo a keda den e estado aki? Prome cu bo a conforma y wak maneranan pa deal cu e situacion actual? Kisas ainda bo ta den un estado sumamente inconfortabel den algun parti di bo mes? B’a cuminsa come mas of mas frecuente? Cumpra yen di cos y yena bo cas?”

Pa Geerman, for di un punto di bista di sobrevivencia e ta logico  y hopi humano cu nos ta, ban bisa ‘masalmente go a little crazy’. Mester corda cu ta hopi cambio di unabes a bin y cu e curpa e ora mester di tempo pa procesa. Y cerca mayoria e ta kere e procesamento lo logra cu tempo, y cerca algun e kisas lo no ta asina (con dificil mes cu esey ta pa mira).

E no ta saludabel si, ‘si nos keda haci asina’ y keda reacciona inconscientemente riba e ‘kishikishi ey’ cu miedo por duna, di formanan preta‘verkrampt, obsesivo’. Haci asina ta costa hopi energia, e ta echt cansa ‘bo mes haciendo cosnan for di miedo miedo miedo’. Y esey no mester awor.

Tin suficiente cos pasando caba cu ta preta. E reaccion inconsciente for di e sentimento incomfortabel ta invita bo pa busca e ora ta kico si mester. “Abo y tur di nos mester di cosnan/ actuacionnan mas suave (menos preta). Pero kico ta actuacionnan mas suave? Bo por pensa concretamente con esey lo por mustra p’abo den bo situacion individual?”

 

Kico e kier bisa eigenlijk, cu e ta normal, pero toch no saludabel. Esey ta casi contradictorio. “Y si mi kier bisa eigenlijk, cu nos curpa ta complex y ta yen di procesonan interno cu ta manera contradeci otro.”

Eynan, consciencia ta bin aden, y conoce nos mes mihor ta un herment hopi importante. Pasobra unabes bo siña wak bo reaccionnan riba bo emocionnan, manera miedo, bo lo ta capabel pa cambia e reaccionnan ey den respuesta cu ta mas apropia, mihor pa bo mes specialmente, y p’esey pa otronan rond di bo tambe.

“Nos ta tende hopi biaha e conseho (for di bon intencion), pa mantene bo mes calmo.  Esaki ta zona hopi facil, pero en realidad no ta asina pa tur hende. Mantene calma, ta un comportacion, un acto, den respuesta (no reaccion) riba e sentimentonan of emocionnan cu bo por ta sintiendo.”

Manera el a menciona prome, mas tanto no a siña con pa haci esaki, pero e ta algo cu si no ta bin si su mes ‘nos por siña si ainda’. E ta invita pa bo no ta streng cu bo persona, pero si mira cu bo ta sintiendo cosnan, cual ta normal. Sinti ta parti di locual ta haci bo humano. Y si ta desea mas calma pero no ta logra di bo mes, bo por aserca mi pa guia bo cu formanan constructivo con pa deal cu e situacion aki cu tanto incertidumbre.

“Mi nomber ta Jurisky A. Geerman, y mi ta getraind y tin hopi experiencia den deal conscientemente cu emocionnan cu por sinti hopi fastioso, y cu ta dificil pa deal bon cu nan, sea di nos mes of di otronan.”

Tambe e tin experiencia cu e comportamientonan menos adecua cu hopi biaha ta bin cu esakinan. “Mi kier invita bo, pa usa e momento aki unda nos bida regular a wordo kita for di nos abruptamente, pa siña relaciona mas constructivamente cu e aspectonan mas bien desconoci nan aki cu ta parti di nos mundo interior.”

E kier sirbi y ta spera cu e por ta di algun asistencia na ‘abo y nos comunidad’, den yuda con pa nabega e temporadanan aki mas trankilamente, y saludablemente. “Mi kier yudabo pa bo zorg bon pa bo mes, specialmente zorg pa bo p’aden y brinda bo maneranan con pa deal cu miedo e.o., pa awor, pero cu sigur lo sirbi bo tambe pa despues ora e situacion aki pasa porfin.”

Geerman tin un pasion enorme pa bida en general. Semper a interes’e con nos como ser humano ta hinca den otro y dicon nos ta haci manera nos ta haci. E kier a compronde y yuda hende.  Cu esaki den mente el a cuminsa su carera profesional door di studia biologia Medicinal den cual e tin un masters degree den ciencia specialisa den Imunologia.

Despues di a haya amplio conocemento di e bida ‘fisico’ cu biologia medicinal, el a tambe haci e estudio di bida consciente pa amplia su conocemento over di bida mas ainda, pero e ora den e parti ‘no fisico of inmaterial’.

Geerman ta guia hende cu nan desaroyo personal, y ta tuma como punto di comienso e mundo interior di nos mes. Esta nos emocionnan, sentimentonan, pensamentonan y instintonan entre otro. Geerman ta haci esaki na un manera amistoso ‘down to earth pratico’ profesional y adapta na ‘bo necesidadnan personal’.

Su praktijk ta jama Inner Work Aruba, ta situa na Santa Cruz 71 y por contact e via telefon na number: +297-5673809, via email na innerworkaruba@gmail.com pa bespreek e situacion, mira con e lo por ta di asistencia, y sinecesidadnan ta alinia cu locual cu Geerman ta brinda.

Por haci un cita teniendo cuenta cu distancia social y tur otro medidanan. Door di e situacion actual di Coronavirus, Geerman ta mantene tarifanan variabel, acorde na situacion personal di e persona, esey lo wordo discuti prome cu haci un cita.