Jumbo ta stop di sponsor gruponan di ciclismo y schaats fin di otro aña

(NLTimes)—Cadena di supermercado Jumbo ta bay retira como e sponsor mayor di e grupo di pro-ciclismo Hulandes, Jumbo-Visma, y e grupo di schaats cu e mesun nomber na fin di 2024. E cadena di supermercado a confirma esaki cu NOS diaranson, cual ta e mesun dia cu Jumbo-Visma, e miho team di ciclismo na mundo, a logra nan di 20 victoria na 2023.

Jumbo a conta NOS cu e contract ta yegando su fin. Ainda no a specifica si e cadena di supermercado ta bay inverti den deporte Hulandes despues di 2024. “Na e momento aki, nos ta considerando nos posicion,” segun un vocero. “Tambe nos ta check si nos politica di sponsorship ainda ta cuadra cu nos vision y ambicion, y e necesidad di nos clientenan.”

Segun fuentenan di e locutor, Jumbo a anuncia e noticia aki na e maneho di e dos gruponan atletico na fin di aña pasa. Desde e tempo ey, e director di e grupo di ciclista, Richard Plugge, coach di e grupo di schaats, Jac Orie, y e directornan di supervision na Jumbo ta trahando hunto pa sigura un transicion lizo.

E morto di e aficionado di deporte pa Jumbo, Karel van Eerd, den december, combina cu e hecho cu su yiu Frits a retira for di e negoshi familiar pa via di acusacion di labamento di placa, tabata e ultimo limitenan di e trato di sponsorship, segun Bob van Oosterhout, ken ta traha den marketing pa deporte.

“Karel tabata un gran aficionado di ciclismo y schaats. Desafortunadamente, el a fayece. Locual ta trata e caso di labamento di placa, den cual a menciona Frits van Eerd, esaki tambe tin un efecto grandi. A resulta e ora cu e trato di sponsorship a wordo contamina cu e grupo di Jumbo,” van Oosterhout a bisa. “Agrega riba esey e hecho cu e share di mercado Jumbo ta bou presion. E suma di tur esaki ta nifica cu trahadonan di politica ta puntrando nan mes: ainda nos kier haci’e asina?”

Jumbo a avisa e gruponan di antemano varios biaha cu e trato ta cabando, pues no tin ningun panico, Plugge a conta NOS. “Hunto cu Jumbo y Visma, nos ta considerando con nos ta bay acerca e futuro, pero nos por continua. No tin ningun preocupacion; no tin ningun motibo pa panico. Nos tin mas partner cu solamente Jumbo. Nos ta spera di por continua cu esaki pa hopi mas aña.”