(AP) – Pa Julia Fox bida ta un modelahe. E looknan cu e ta crea, cortando e faha for di su jeamns of creando un blusa di diferente material, semper ta garantisa di hala antencion di hende y fotografonan.
Banda di Law Roach, Fox ta anfitrion y hues di E! su programa di competencia di moda nobo OMG fashun,” lansando dialuna. Roach a tuma un pausa di su trabao como estilista di celebridadnan aña pasa sinembargo te ainda ta traha cu tiki personanan manera Zendaya, ken ta co-anfitrion di Met Gala y recientemente a hala atencion cu su looknan pa promocion di tanto “Challengers” como “Dune: Part Two”.
Den cada episodio, e personanan cu competi yama “disrupters”, ta competi pa bolbe usa materialnan pa crea looknan unico cu mester impresiona Roach, Fox y un hues invita. E gañado ta haya 10,000 dollar y Fox lo modela su diseño.
Ehecutivonan na Scout Productions, cual ta produci OMG Fashun, ta bisa cu e programa ta traha pa motibo cu e ta combina cu ambos anfitrion su filosofia pa cu moda. Roach ta gusta cumpra piesanan warda di e diseñadornan pa duna e paña un di dos bida. Fox ta contra moda cu no ta bon pa medio ambiente, y ta gusta traha cu loke bo tin caba. Esaki ta extende na reunionnan di produccion.
“Julia a bisti un shimis na un di nos reunionnan cu tabata traha di condomnan cu a caduca,” Rob Eric, e compania su hefe di creatividad a comenta.
David Collins, co-fundador di e compania y productor ehecutivo a bisa cu e programa ta un oportunidad pa trece atencion na diseñadornan cu ta cuminsando; “e ta dificil pa resalta. Y esaki ta un oportunidad, sea cu bo gana of perde, pa hende mira bo contenido y siguibo.”
