Aruba ta den su temporada abao den turismo y tambe turismo crucero. Sinembargo mester sigui mustra, en particular e liñanan crucero, kico nos ta haciendo y cu Aruba tin productonan innovativo. No por keda cu solamente cu loke ta ofrece awo, keda ofrece tur e turistanan cu ta bin.
Segun director di Aruba Ports Authority, nos tin hopi turista cu ta ripiti e biahe pa Aruba y nan kier algo nobo. Esey tin di wak cu e operadornan di tour na Aruba, kico mas por ofrece na e turista.
Figaroa a splica cu si barco ta bin, ta cierto cantidad di incentivo tin duna pa wak cu por atrae nan mas. Casualmente a presenta siman pasa dialuna cu e compania di barco den zomer ta aumenta cu cantidad di barconan, por haya extra incentivo di tal manera ta sali nan bon y sali Aruba bon. Un cos ta sigur, segun e ehecutivo, nos no ta bay perde placa pasobra lo bay tin mas turista na Aruba. Pero pa nan ta bon, pasobra no tin nodo di paga e tarifa completo, segun Figaroa.
Temporada abao sin cancelacion
Segun director di Aruba Ports Authority, Jossy Figaroa, pa e temporada abao aki no tin cancelacion. E situacion awor aki ta completamente normal. Locual si ta cu Pullmantur a laga sa algun tempo pasa cu despues di november lo baha su cantidad di barconan. Na e mesun momento ey sinembargo ta basta pro activo y minister encarga cu Turismo a haci diferente contacto cu e paisnan den vecindario, den e caso aki Panama y Colombia y tin contacto tambe cu Corsou pa wak kico tur por haci pa wak si por haya otro barconan pa reemplasa barco di Pullmantur cu a bisa cu no ta bin mas. Por kere of ta spera cu dado momento nan lo bin bek.
Pullmantur cu otro ruta
Pullmantur ta scoge otro ruta pa wak cu nan por tin mas ganashi riba dje. Nan a yega di haci’e den pasado y sinembargo nan ta bin bek Aruba. Y e deseo t’ey pa nan bin bek. Pero pa motibo cu no por confia riba esaki, Minister Oduber ta trahando tambe pa bin cu otro itinerario y lo papia cu otro liñanan pa wak si nan por bin.
Mas barco pa un temporada abao
Locual cu ta purba ta pa haya mas barco den e temporada unda cos ta mas keto. Awor aki ta bay haya por ta ocho pa nuebe call pa full un luna y ta haya cu Adventures of The Seas ta bin cada dos siman. Carnival ta keda manda barco, pero kier mucho mas y no haya e acogida manera cu tabata tin den e temporada halto.
Cos ta mustra relativamente bon, aunke cu tin Pullmantur cu ta cu a bisa cu nan ta bin, pero ta mustra cu e lo bay keda manera e ta. Minister Oduber kier pa crece mas y sigur sigui bishita tur e liñanan crucero y wak kico ta nan deseo y kico ta e cosnan cu mester mehora.
Siman pasa dialuna, hunto cu APA y ATA, minister a bishita e liñanan crucero. A papia cu nan y wak kico ta e posibilidadnan pa aumenta e cantidad di barconan cu ta biniendo Aruba. Tin cu wak cu por bay ofrece turista otro mas cos cu nan ta ofreciendo caba. Kisas riba tereno di cultura. Pero importante ta cu ta safe. Cu no por permiti nos mes e luho cu e turista cu ta bin Aruba ta haya su mes envolvi cu crimen, of cu nan ta horta su persona. Ta algo cu tin cu purba di preveni pasobra esey ta masha mal noticia mes pa algo asina sosode.
Awor aki, tin reservacion caba pa 2019. Pa 2016 e reservacionnan ta bayendo hopi lihe. P’esey por bisa awor aki cu 2017 y 2018 ta mustra relativamente bon, pero ta trahando pa cosnan ta bayendo relativamente bon. Awo ta cuestion di wak si e zomer di 2017 lo bay ta miho cu e zomer aki.
