(TMZ) – Josh Peck ta papiando riba tur acusacion y storia di horor documenta den un documental tocante actornan infantil na Nickelodeon, bisando cu cos mester cambia pa miho.
E ex-strea di Nick a kibra su silencio ayera riba ‘Quiet on Set’, memey di presion aumentando di fanaticonan, kende tabata hopi vocal exigiendo pa e bisa algo mientras el a sigui post riba rednan social sin atende e asunto.
Josh a bisa cu “a tuma algun dia” pa procesa e documental, y cu el a tuma contacto cu Drake priva, “pero kier duna mi sosten pa e sobrevivientenan cu tabatin suficiente curashi pa comparti nan storianan di abuso emocional y fisico riba set di Nickelodeon cu mundo.”
Post di Josh ta yega na e momento corecto, ya cu su nomber ta un tendencia henter siman despues di publicacion di e documental, cu hopi puntrando si e ta bay bisa algo. Josh obviamente no a sali den e documental, pero e tabata un di e streanan mas grandi di Nick e tempo aya.
Obviamente, su conexion cu Drake Bell – cu ken el a aparece den e show ‘Drake & Josh’ – no a keda ignora, specialmente despues cu Drake a revela cu el a bira victima di abuso tempo e tabata adolescente. Algo cu Josh no ta menciona den su declaracion ta si el a sufri di algo su mes, of si el a mira loke tabata pasando cu Drake e tempo aya. Pero basa riba su palabra, ta mustra manera e no tabata sa nada.
