Despues di su caso pa extorcion na unda el a declara su mes culpabel pa extorsiona mama di Natalee Holloway, Joran van der Sloot, a regresa back Peru pa asina e caba di sirbi su sentencia pa asesinato di Stephany Flores na 2010.
Den luna di juni ultimo a extradita van der Sloot pa estado di Alabama, na Merca na unda el a wordo husga pa e caso di extorsion contra Beth Holloway, mama di Natalee Holloway. Parti su acuerdo, cu cual el a declara su mes culpable a cambio di un sentencia di 20 aña, el a revela kico realmente a pasa cu Holloway casi 20 aña pasa. Van der Sloot a confesa di a mata Holloway.
Despues di e revelacion aki, voceri di Ministerio Publico di Aruba (OM) a conta CNN cu posiblemente Aruba lo procsea van der Sloor pa asesinato di Natalee Holloway.
Segun NLTime a indica, autoridadnan di Aruba a pidi autoridadnan di Merca pa e documentonan di corte, incluyendo van der Sloot su confesion, pa asina por considera e opcionnan.
E statuut di limitacion pa e asesinato di un persona sin cu e ta un plan na Aruba ta 12 aña. Holloway a fayece 18 aña atras. Durante e huicio na Merca pa extorcsion van der Sloot a confesa cu el a mata e hoben cu un bloki ora cu el a nenga su avancenan sexual y a pusha su curpa den lama.
“Oficina di OM kier reitera cu e caso di Holloway ta permanece un caso habri na Aruba,” vocero di OM a conta CNN. Si e persecucion lo ta posibel ta “depende di varios factor dentro di e investigacion,” el a comenta. “Tambe tene na cuenta cu nos no sa kico ta den e documentonan oficial di corte y e documentonan relaciona cu e investigacion.”
Den un corte na Alabama a sentencia su van der Sloot na 20 aña den prizon pa extorsion. Ayera van dero Sloo a bolbe back Peru, unda e ta cumpliendo un sentencia di 28 aña pa e asesinato di Stephany Flores y otro sentencia di 18 aña pa trafico di droga. E sentencia di extorsion lo core conhuntamente cu e sentencianan aki.
