(TMZ) – Jojo Siwa su cas a cay victima na un robo arma y aparentemente esunnan responsabel te ainda ta den libertad.
Autoridadnan a informa TMZ cu oficialnan a responde na un yamada alrededor di 2:30 di mainta riba dialuna di un compania di alarma cu a reporta cu un entrada ta tumando luga na San Fernando Valley, sinembargo pa ora cu autoridadnan a yega, e sospechosonan ya caba hui for di e sitio.
Aparentemente ora cu autoridadnan a yega nan a haya un prota habri na e propiedad, cual ta aparenta cu di e manera aki e sospechosonan a logra drenta e cas. E balor total di loke nan a horta te ainda ta desconoci, mirando cu fuentenan ta conta cu no tabatin ningun hende na cas na momento cu e robo a tuma luga y investigadornan te ainda ta wardando pa tende for di JoJo kico ta falta na su cas.
E bailarina a comparti e incidente cu su fanaticonan riba diamars, bisando cu e sospechosonan tabata arma ora cu nan a drenta. Polis no a confirma si esaki ta hecho of no.
Tambe el a mustra imagennan di e grabacion di e camara di siguridad, y a comparti cu e ta contento cu ningun persona a keda heridan i tampoco su cachonan.
