Prome Minister Boris Johnson ta birando tof cu e miembronan di partido conservador cu ta opone na su plan pa Brexit, na e comienso di loke ta priminti di ta un siman ‘transcendental den politica Britanico’.
A adverti e asina-yama rebeldenan ayera cu nan lo wordo expulsa di e partido si nan duna sosten na esfuersonan Parlamentario pa retrasa Brexit. Partidonan di oposicion ta priminti cu lo reta e politica di Johnson, cu Reino Uni lo bandona Union Europeo dia 31 di october proximo, hasta si no tin acuerdo. Sin acuerdo, e pais lo enfrenta un salida caotico cu economista ta adverti cu lo interumpi comercio ora di control di Douane entre Reino Uni y otro 27 miembro di e bloc; ademas di ocasiona un caida di Libra Sterlino y sink e pais den un recesion.
Ex- Secretario di Husticia conservado, David Gauke a acusa Johnson di ‘menasa’ miembronan di partido pa vota contra gobierno, pa esaki wordo saca na fabor di legisladonan cu ta sostene e version mas extremo di Brexit di e Prome Minister.
“Ta obviamente un maneho particularmente confrontacional y mi ta kere, diseña francamente pa realinea e Partido Conservado, pa transforma e Partido Conservado den direccion di un partido Brexit”, Gauke a bisa BBC.
Johnson a insisti cu e potencial pa un Brexit sin acuerdo mester ta un opcion na e negociacion di UE. Pero UE ta bisa cu no lo negocia e acuerdo alcansa cu ex Prome Minister Theresa May riba termino di e partida pa Reino Uni y nan relacion den futuro.
E acuerdo na Parlamento Britanico a keda derota tres biaha pa oposicion, relaciona cu e clausula pa mantene frontera habri entre Irlanda y Nort Irlanda. Ex Prome Minister, Tony Blair, a adverti politico cu ta haya nan mes den critica. “Den historia moderno, nunca tabatin un momento mas importante pa politico pone e pais prome cu tribu y interes nacional prome cu interes propio”, Blair a bisa.
