Dialuna mainta durante un conferencia di prensa, Minister Rudy Lampe (RED) a duna un anuncio pa e ‘job fair’ cu lo tuma luga e siman aki. Pa tur hoben cu ta interesa den cuminsa un carera militar. Ministerio di Defensa di Hulanda lo ta presenta na Aruba pa duna informacion.
E job fair lo tuma luga diamars 29 di october na San Teresita San Nicolas, diaranson 30 di october na Santa Cruz Centro Deportivo y diabierna na Playa, EPI Seroe Blanco. Durante e tres dia lo duna informacion parti mainta di 9or pa 1or na hoben cu ya caba tin diploma y no ta studia.
Pa e parti di atardi nan lo duna informacion di 2or te cu 6or pa esunnan cu ta studiando of ta cabando scol asina nan por haya informacion na e luga menciona. Tambe di e forma nan tin oportunidad di haci pregunta y mayornan tambe por tocante e estudio militar.
Lampe a informa cu e oportunidad aki ta uno nobo pa e hoben. Despues di varios luna di bira minister, el a acerca Glenn Rock. Unda cu Rock a habri e mandatario ‘mi bista y horizonte’ riba algo cu e no a pensa riba dje.
Rock mes a probecha e formacion militar na Hulanda. E ta mira cu tempo a cuminsa pasa y na Aruba no a mira oportunidad di e formacion aki. “E ta un bunita carera cu un hoben ta desea di por haci.”
Nan a ricibi informacion di diferente educacion cu gobierno di Hulanda. Nan a comunidad cu Directie Onderwijs. Di Aruba Huis a tuma contacto cu Ministerio di Defensa. Unda cu nan a tuma iniciativa cu por ta asina leu pa presenta e siman aki.
Ministerio di Defensa lo presenta pa ofrece marina, landmacht, luchtmacht y hunto cu diferente otro oportunidad pa hoben cu kier un reto den nan bida y ta sinti cu un carera asina ta oportunidad pa responsabilidad cu ‘nos pueblo merece’.
E mandatario tambe a splica cu di parti di Union Europeo cu a pasa den dos guera mundial. Caminda nan a lanta y crea un federacion a base riba logica di pas y no cu hende ta kere cu lo drenta den militar pa pleita den guera.
El a continua splica cu UE ta comprometi cu pas. Nan ta conoci y ta boga ‘mas tanto pa posibel solucion diplomatico’. “Si bo ta scoge militar no ta pa bay den guera sino realmente conociendo e politico exterior di UE. Henter e funcion di locual ta un aparato militar completo. Nan ta busca na prome luga pa solucion.”
Lampe ta agrega cu e ta un opcion pa hoben y oportunidad pa cada hoben diferente. Pa esunnan cu tin pasion cu kier sigui y realisa un estudio asina den Reino Hulandes. E tarea designa ta defensa militar y relacion exterior. Ministerio di defensa ta positivo den habri e pari di defensa di Hulanda y recluta den teritorio pa mira ‘cu nos hoben por scoge carera pa militar’.
E rekisito pa esunnan cu kier drenta ta cu mester ta mas di 16 aña di edad cu ta pasa leerplicht. Nan ta haya un formacion cu ta financia pa ministerio di defensa. Unda cu e studiante no tin debe cu mester paga manera prestamo pa otro estudio.
Rock a comparti cu ora el a yega Aruba, el a purba pa hende por tin oportunidad pero awo e ta wak cu ta positivo y cu hoben por sigui nan carera. Rock mes a haci landmacht pa un aña despues luchmact pa 4 aña y haci bombero.
Pa e oportunidad aki hende homber y hende muhe por inscribi pa estudio militar. E no ta manera mariniers camp. “E ta asina cu dama y cabayero ta haya oportunidad pa haci civil tambe y sigui cu e parti militar.”
E perfil cu nan ta busca ta edad minimo di 16 aña y haltura di 1.55cm. Tambe por bisti bril of lens pero un grado di -6. Tin algun otro rekisito cu ta wordo poni y tin asina diferente posibilidad cu tur hende cu diploma VWO, HAVO, EPI, EPB, MAVO cu por upgrade y diferente nivel pa drenta.
Tambe a wordo splica cu esaki ta importante mirando cu awendia tin scarsedad den varios ofishi. E ta bisa cu tin famia na Hulanda cu no kier haya yiu, anto no tin hoben pa sostene e tarea cu e pais tin.
“No ta solamente den carera militar pero pa ofishi nos ta stipula nos hoben scoge den area di ofishi. No pensa den dokter, abogado pasobra no tin trabou pero locual si tin pa hende domina ofishi. Tin scarsedad den maestro, enfermero y mas. Anto esey ta motivacion cu ta mira rumbo Aruba, Corsou, Sint Maarten y otro pasobra ta wak’e manera un win win situacion pa nos hoben por tin otro carera pa ofrece miho pa nan”, Lampe a expresa.
Pa finalisa el a bisa cu por busca informacion na pagina di Directie Onderwijs tocante e job fair.
