Director nobo (NW) (1).JPG

Jerry Staring ta te director nobo di Departamento di Salud Publico.

Sr. Staring a studia pa “verpleegkundige” na nivel HBO, pues a haya su “bachelor in nursing”. El a specialisa den psikiatria y a core “stage” den Oduber Hospital na Aruba. El a caba su estudio na aña 2002 na Hoge School Arnhem-Nijmegen. Mesora el a cuminsa su carera como nurse na PAAZ, mientras cu na final di aña 2003 el a bay traha na Psikiatria Ambulatorio bou Departamento di Salud Publico.
 

Den un esfuerso pa prepara su mes miho pa un puesto den liderazgo, el a opta pa sigui studia na Universidad di Aruba, den e facultad di “Arts & Sience” cu e tema specifico di “Social Work & Development,” brinda den cooperacion cu Universidad di Puerto Rico y Vrije Universiteit van Amsterdam. Na aña 2011 el a caba cu su estudio na nivel “Master” riba maneho di cuido medico. Cu e diploma ey den su man, el a cambia di trabou y for di SPD a opta pa cuminsa un carera nobo como “Beleidsmedewerker” na Departamento di Salud Publico. Na fin di aña 2011 el a traha na FCCA como “Stafmedewerker Integraal Opbouwwerk.”

 

Na aña 2013, el a acepta e funcion di “Senior Beleidsmedewerker Zorg” na Ministerio di Salud Publico, Maneho di nos Grandinan y Deporte. Na october 2014 el a cuminsa den e funcion di Presidente di e Management Team di Departamento di Salud y dos aña despues, na october 2016, el a bira e director nobo di e departamento ey.