A compronde for di parlamentaria Jennifer Arends-Reyes cu tur aña tin un conferencia grandi mas tanto na Fort-Lauderdale caminda tur region di destinacion turistico ta topa pa scucha y delibera kico ta e ‘State of the Global Cruise industry’.

Pa varios aña sra Arends-Reyes, como presidente di comision di Turismo a atende y network den e conferencia importante aki caminda cu semper Aruba ta ser mira como un destinacion cu ta masha gusta. Eynan tur e CEOs di e linea cruceronan di mas grandi ta topa, manera Norwegian Cruise Line Holdings, Royal Caribbean Group, Carnival Corporation & PLC, MSC Cruises como panelista pa discuti y comparti diferente punto di enfoke pa e aña.

Desde cu mundo a ser confronta cu un pandemia cu a impacta tur economia negativamente e industria crucero a bay practicamente plat pero no a para keto basicamente tur linea crucero y tur e destinacionnan ta invertiendo den upgrade nan servicio y pa pone extra enfoke ariba higiena y salud di e turistanan y comunidad local di cada destinacion. E aña aki Seatrade Cruise Global no a tene e conferencia grandi aki cu mas cu 3 mil participante fisicamente pero a tene tur nan sesionnan virtualmente y e networking tambe a pasa virtualmente. Tur destinacion mester a bolbe profila nan mes y conta con prepara nan ta pa ricibi turismo crucero na momento cu e region yega na un acuerdo pa tur e destinacionnan den e itinerario ta prepara y cla pa ricibi cantidadnan grandi di turista crucero.

A papia den e sesion di Caribe cu tur destinacion mester ta prepara y tin nan maneho pa cu clearance y testing cu tin hopi similaridad na e apertura di e frontera aereo. Ki dia di berdad lo cuminsa restart di berdad despues di november 2020 ta depende con lihe por yega na purba baha e casonan local na cada destinacion y yega na acuerdonan con hunto pa cada ruta di e itinerario. E industria crucero global tin entre 50 pa 100 mil barco cu lo mester por restart cu of sin vacuna disponibel aunke ta comprende cu e situacion y plan cada biaha mester ser ahusta.

Caribe ta un di e rutanan mas popular y ta keda na Aruba como destinacion y tambe tur stakeholders incluyendo tour operatornan pa tambe adapta un poco pa asina por keda garantisa un experiencia placentero y sigur den un temporada di pandemia pa yama bon bini na e turismo crucero. E restart lo por tarda un poco y ta premira cu lo por aumenta den cantidad gradualmente na momento cu cuminsa, pero como un destinacion popular nos mester ta bon prepara Sra. Arends-Reyes ta termina bisando.