(AP) – Jeep lo cuminsa benta di dos SUV completamente electrico y otro na Europa durante e siguiente 2 añanan.
E vehiculonan electrico, Jeep su prome, ta parti di e marca Stellantis su plan di converti mita di su bentanan na Merca y tur su bentanan Europeo na vehiculonan electrico pa aña 2030. Nan ta e prome pa e marca, y ehecutivonan ta bisando cu nan lo ta completamente capaz di core off-road.
E vehiculonan nobo ta inclui Jeep Recon, un vehiculo cu lo ta mas o menos mesun tamaño cu e Jeep Wrangler y e roval Bronco Sport. E lo ser produci na un fabrica Norte Americano cuminsando den aña 2024.
Jeep tambe lo cuminsa crea Wagoneer S completamente electrico na aña 2024 cu tambe por bay off-road. E extension electrico di Wagoneer ta premira di por core 400 miya cu un solo carga cu e habilidad di por bay di 0 pa 100 kilometer pa ora den mas o menos 3.5 seconde.
Wagoneer S tambe lo ser fabrica na Norte America, na un fabrica cu te ainda no a ser revela. No a publica informacion tocante prijs di ambos SUV te ainda.
Pa Europa lo bini Jeep Avenger, e marca su prome vehiculo electrico. Segun Jeep e Avenger chikito, cu un rango di 400 kilomeer pa cada carga y esaki no lo ta pa Merca, mirando cu e ta miho pa Europa, unda tin un Mercado mas fuerte pa vehiculonan chikito, ehecutivonan a bisa.
Avenger lo ser oficialmente revela na Paris Motor Show riba 17 di october. E lo drenta tiendanan comienso di proximo aña.
Tambe lo introduci 4 SUV na Norte America y Europa pa fin di aña 2025, segun ehecutivonan.
Jeep ta na caminda pa bira un lider den SUV cu cero emision mundialmente. E compania tin un meta di bende SUV na China, ehecutivonan a bisa.
