Diahuebs ultimo, Minister di Cultura tabata presente na Centro di Bario Tanki Lender pa felicita y gradici tur e participantenan di e Festival Infantil y Hubenil di Dande organisa pa Comision Promove Cultura.
Un total di 13 participante den 3 categoria di edad, a subi tarima pa deleita e publico cu e musica di Dande cu tanos folklore y tradicion di Fin di Aña. Cada un di nan a duna un bunita presentacion, a canta e Dande cu hopi pasion y tabata un gañado riba nan mes.
Sinembargo den cadacategoria a brinda un premio pa esun cu a resalta mas. Rey di Dande 7 pa 9 aña ta Jaymerson Kelly, Reina di Dande 10 pa 12 aña ta Lizziene Webb y Reina di Dande 13 pa 17 aña ta Stephany Quandt. Pabien!
