(Infobae) – Minuutnan prome cu 12or di merdia, Javier Milei a hura como Presidente di Nacion di Republica di Argentina. E mandatario a realisa e huramento dilanti di Cristina Fernandez di Kirchner, ken a lidera Asamblea Legislativo, y despues Milei a ricibi e banda y baston den man di Alberto Fernandez.
E ceremonia a cuminsa ora presidente saliente di Senado y otro legisladonan presente a canta himno nacional. Despues e ex-mandatario a procede di realisa e lectura di nomina di comisionnan di interior y exterior nombra pa ricibi e formula presidencial eligi ora nan lo a yega na Congreso.
Siguientemente, e secretario parlamentario Marcelo Fuentes a lesa e resolucion di dia, mientras esnan presente den Camara tabata ovaciona Milei y tabata grita “Libertad, Libertad”.
E libertario a gana e di dos buelta di eleccion presidencial dia 19 di november ultimo, Milei a yega na Congreso unda Fernandez di Kirchner a dun’e e bonbini, a cumind’e pretando su man y a compañ’e te interior di e Camara, na unda minuutnan despues asamblea a continua y a duna inicio na acto protocolar di traspaso di mando.
Na e momento ey, Alberto Fernandez a drenta pa haci entrega di atributonan presidencial, un bes cu e mandatario saliente a coloca e banda presidencial na Milei, awor e ex-vice-presidente a acerca na e hefe di Estado y cu harimento a haci’e un comentario cu a provoca un sonrisa na e mandatario nobo.
Ora e ceremonia a culmina, e lider di Libertad Avanza a dirigi na trapinan di Congreso di Nacion, na unda a brinda un discurso dilanti di un multitud di ciudadanonan cu tabata te’y for di trempan y cerca di Plaza di Mayo pa celebra e asuncion di e Gobierno nobo.
