Den fin di siman a tuma luga festivalnan di dande. Festival di Dande Infantil y Hubenil a tuma luga diasabra 28 di december na Centro di Bario Tanki Leendert y Festival di Dande Adulto a tuma luga diadomingo 29 di december na Club Caiquetio.
Festival di Dande Infantil y Hubenil tabatin cuater diferente categoria y un total di 14 participante.
Den categoria 4-6 aña tabatin un participante so,Zaydianne Filiciana ken a keda corona como Reina di Dande.
Den categoria 7-9 aña Elizeë Bislip a bira Reina di Dande, Ksijayli Croes a keda na di dos luga y Alyna Henriquez a keda na di tres luga.
Den categoria 10-12 aña Kitai de Jongh a bira Reina di Dande, Jaymerson Kelly a keda na di dos luga y Kacey-Ann Dania a keda na di tres luga.
Den categoria 13-17 aña Lizienne Webb a bira e ganadora absoluto y Reina di Dande, Stephanie Quant a keda na di dos luga y Reanne Ras a keda na di tres luga.
Pa loke ta trata Festival di Dande Adulto, e aña aki e festival a celebra su di 52 edicion di y e maximo ganadornan di anochi a keda den persona di Jason Kelly como Rey di Dande y Maryjane Vrolijk como Reina di Dande.
Na segundo luga den e categoria masculino a keda Jonathan Croes y na di tres luga Glenbert Bislik.
Den e categoria femenino na segundo luga a keda Raquel Lampe y na di tres luga Priscilla Quant.
Den e categoria di cancion Tipico prome luga a bay pa Tipico Stimami cu nan cancion Cayena, na di dos luga Frank Croes y su Tipico Pega Saya cu su cancion Potpurri di Wals y na di tres luga Tipico Colegio cu nan cancion Madua.
Den e categoria di propio composicion, prome luga a bay pa Sabor Crioyo cu nan cancion At’e Dande a yega, na di dos luga a keda Frank Croes y su Tipico Pega Saya cu nan cancion Aña nobo, bida nobo, y na di tres luga a keda Tipico Poco Loco cu nan cancion Laga e Dande resona.
