Indianapolis – Jared Fogle, Subway su ex-“spokesperson” a haya su sentencia pa sinta 15 aña y mey den prizon federal despues di a admiti di a comete pornografia di mucha y tambe ta culpabel di actonan sexual cu menor di edad.
Fogle a bay di acuerdo den corte awe pa evita pornografia, busca ayudo pa su malesa di sex y lo wordo registra como un “official sex offender”. E juez Tanya Walton Pratt tambe a sentencia Fogle pa wordo supervisa pa resto di su bida despues cu e sali fe prizon.
Dr. John Bradford, un psychiater forensica a testifica pa e defensa den e caso, y a bisa cu Fogle tin “mild” pedofilia y tabata gusta mucha muhe nan teenager di 16 pa 17 aña y no mucha nan mas jong cu esey. E sentencia ta laga espacio pa mas tempo bin aserca si haya mas evidencia den e caso cu ainda ta habri y andando. Autoridadnan a identifica 12 victima di pornografia di mucha na Indiana, hunto cu 2 victima “teenager” di prostitucion di mucha na New York, segun documento di corte.
Fogle a bisa cu e tabata sexualmente gusta muchanan di hasta 8 aña, asina gobierno Mericano a bisa.
