Nos ta apelando riba sosten publico pasobra ta mas cu dos aña di continuo menasa, stalking y intimidacion, cu James Finies mester a soporta y tambe cada un persona cu papia den programa di radio di NKBB. Esaki ta un declaracion cu politiconan supuestamente a paga Mr Cliffford Frans pa menasa,stalking y intimidacion di James Finies y tur esunnan rondo di dje.

Nos a raporta na numeroso ocasionnan kehonan pa 2 aña, y polis nunca a stop Sr Clifford Frans te cu awe. Awor tin indicacionnan fuerte cu Sr Clifford Frans ta wordo uza pa lidernan politico pa stalk, intimida y menasa James Finies y tambe hendenan cu ta simpatisa cu su causa, y nos por cuminsa haci pregunta ta dicon polis no ta haci nada cu tur e declaracionnan cu a wordo presenta? Dicon polis no a responde na nos cartanan y numeroso apelacionnan?

Desde april 2018 despues cu nos a habri nos oficina di NKBB na Caya Libertador Simon Bolivar, Sr Clifford Frans a cuminsa menasa y intimida nos. Nos a cuminsa duna denuncia y keho na polis cu nan no tabata tuma keho oficial di nos pero lo papia cu Sr Frans y apesar di e promesa aki su menasanan a continua den 2019 , 2020 y awor na 2021. Nos mester a lucha y forsa polis pa tuma un keho oficial por escrito di nos dia 28 augustus 2019. Nos a duna nan declaracionnan por escrito di varios ciudadano cu e la menasa y stalk pasobra di nan aliansa cu nos. Sr Frans a continua cu su comportamento di stalking, intimida y menasa y nos mester a yama polis pa asistencia pa deal cu Sr Frans na algun ocasion y na December 2019 cu e la bin interumpi nos conferencia internacional anual caminda e tabata comporta bergonsoso, zundrando, gritando y menasando.

Aña pasa riba 30 september 2020 despues di menasanan y intimidacionnan continuo nos a manda un carta dirigi directo na hefe di polis Sr Rosales cu no a contesta o niun hende di cuerpo di polis pa seis luna. Sin ningun restriccion di parti di polis , Sr Frans a continua manera e ta pensa ta e so tin tur poder. Pasobra nada a wordo haci, despues di 6 luna, riba 30 maart 2021 nos a bolbe manda un otro carta cu nos previo kehonan y declaracionnan cu ta contene lista di hendenan a wordo menasa y intimida pa Sr Frans cu e la continua haci te cu awor. Un lista largo di victimanan cu ta inclui, Sra Martis, Sr Mercera, Sr Domacasse, Sr Felix, Sra Bissessar, Sr Abreu, Sr Maduro, Sr Soleana, Sra Thielman, Sra Martinus, Sra Thode, Sr Sint Jago, Sr James Finies y hopi otro mas.

E declaracion y testimonio cu a wordo oficialmente raporta na polis caminda cu Sr Frans a declara cu Sr Elvis SjinAsjoe lo paga bon sen, si stop cu envolvimento cu James Finies y NKBB completamente. Otro sospecho tin cu Sr Frans tabata wordo manda pa lidernan politico caminda nan a wak e ta bay den e centro comercial enfrente oficina di impuesto caminda e miembro prominente di e Plataforma Economico Bonaire, Sr Saleh, tin oficina, cu a promove y a start e trayectorio na 2003 ku a resulta den e status actual na 10.10.10.

Stalking ta un crimen serio di acuerdo cu codigo criminal pasobra e ta ilegal, sistematicamente, deliberadamente viola un hende su privacidad cu e meta pa forsa e otro pa haci algo, no haci algo, tolera algo o crea miedo.Di acuerdo cu e estadisticonan di stalking, ta resulta di 1 den 5 biaha cu arma lo wordo uza pa herida o menasa e victimanan y un porcentahe halto di victimanan a raporta stalking na polis prome ku nan a wordo asesina pa nan stalkers

Nos a dicidi basa riba e hecho cu desde 2018 te cu awor, nos consistente a continua na raporta, y pasobra polis no a tuma nos kehonan y cartanan na serio, pero nos e tene esaki interno pero awor a dicidi pa publica esaki den media pa expone esaki y proteha ami y tur otronan cu por wordo envolvi y causa nan daño pasobra e situacion solo a empeora ultimamente sin intervencion di polis.