Den un video conferencia recien cu Arnold Schwarzenegger, James Cameron a revela cu e pelicula Avatar 2 ta ‘100 porciento completo’, y e tercer instalacion di e serie planea di cinco pelicula ta ‘casi 95 porciento completo’.
Papiando cu su strea di Terminator como parti di un Cumbre Mundial Austriaco, Cameron tambe a bisa cu su team di produccion actualmente ta grabando e resto di e secuencianan di live-action pa e tercer parti.
Segun Cameron, e peliculanan a perde ‘alrededor di cuatro luna y mey’ pa motibo di shutdown pa Covid-19 mientras tabata filma na New Zealand, pero a agrega: “Nos tin hopi suerte cu nos a scoge [e pais] como nos sitio di produccion añanan atras.” E director a elogia e respuesta di Covid di New Zealand, cual a ser mira como un ehempel trempan di exito pa combati e transmision di e virus, na momento cu e pais a declara su mes liber di e virus na juni.
Despues cu e Avatar original di 2009 a bira un exito mundial, generando mas di $2.79 biyon y convirtiendo den e pelicula cu mayor ganashi den historia (un logro apenas recientemente sobrepasa pa Avengers: Endgame), Cameron tabatin meta pa un lansamento di su prome secuela na 2014. Prome cu largo, el a dicidi cu e frankisia lo rekeri cuatro secuela mas en general.
Varios retraso a sigui, maske, sikiera en parti pasobra Cameron a dicidi cu tabatin mester di tecnologia nobo pa captura escenanan bao awa. E schedule di lansamento den cinema di e frankisia a cambia ocho biaha te awo. Na juli, Disney a retrasa e fecha di lansamento di varios di su peliculanan grandi, incluyendo Avatar 2, cual awo ta programa pa dia 16 di december 2022, y Avatar 3, cual supuestamente lo bin dia 20 di december 2024. E di cuatro y cinco pelicula actualmente ta programa pa 2026 y 2028 respectivamente.
Manera menciona ariba, e combersacion entre Cameron y Schwarzeneeger a tuma luga como parti di e Cumbre Mundial Austriaco, e evento principal di e Iniciativa Climatico Schwarzenegger. Despues cu e actor y ex-gobernador di California a funda e cumbre basa na Vienna na 2017, rapidamente a bira un conferencia global reconoci, cu intencion di promove proteccion climatico. Sinebargo, igual na casi tur otro reunion grandi e aña aki, e cumbre a haya su mes forsa di bay virtual pa 2020.
