(JamaicaObserver) – Gabinete Jamaiquino a aproba pa Jamaica bira co-anfitrion di e Conferencia di Seguridad di Nacionnan Caribense pa 2023.
E conferencia ta bay tuma lugar na Montego Bay, St. James for di dia 5 te 19 di juni, 2023.
Esaki a keda revela pa e minister encarga cu Informacion, Robert Morgan, durante un conferencia di prensa na Jamaica House na St. Andrew.
E conferencia ta bay tuma lugar bao di e tema ‘Reforsando seguridad regional a traves di accion informa’, y tin como meta pa reforsa relacionnan regional y mehora seguridad den e Cuenca di Caribe.
Mientras tanto, e gabinete Jamaiquino a considera e recomendacion pa otorga un contract di Instituto di Planificacion di Jamaica pa desaroyo y ehecucion di un plan di comunicacion cu dos fase, enfoca riba e audiencia principalmente impacta pa reforma comercial y e publico en su totalidad.
Morgan a bisa cu despues di tene consideracion, e gabinete a duna aprobacion pa un contract di $132 miyon na Engine Room Limited.
Adicionalmente, el a bisa cu e gabinete a duna aprobacion pa e pais ta anfitrion di e di 26 reunion di e Comitenan Permanente di Hefe di Inmigracion y Controladornan di Aduana di Comunidad Caribense (Caricom) na e Centro di Conferencia Montego Bay na St. James, durante e periodo di 16 te 18 di mei ultimo.
