Ministerio di Industria, Comercio, Agricultura y Pesca ta pone $ 15 miyon disponibel pa asisti agricultornan afecta pa secura. Ministro Audley Shaw a declara cu ta haciendo un analisis apropia pa determina mas ayudo.
Tambe Shaw a bisa Camara di Representante recientemente cu bao di e programa di estimulo di produccion lo tin $ 19.95 miyon disponibel pa yuda agricultor via e miembronan di parlamento. Miembro di areanan rural ta haya $ 350.000 pa reparti, y miembronan d area urbano $ 250.000.
Shaw a informa cu e falta di yobida ta conta pa henter e teritorio. Alrededor di 5.600 agricultor a keda afecta cu perdida di en total 500 hectar. E cultivonan mas afecta ta berdura y fruta.
Ademas na St Andrew y St Thomas tabatin un perdida calcula na $20.9 miyon como resultado di candela di mondi. E cultivonan afecta mas ta koffie y mata di fruta. Pa loke ta disponibilidad y costo di produccion agricola, e mandatario a mustra cu tin un tendencia creciente den prijs di cuminda, aunke no lo tin necesidad di importacion di cuminda na gran escala, ya cu tin un aumento di produccion den e zonanan cu tin irigacion.
Mientras tanto e ministerio ta involucra den strategianan a largo plaso pa atende e desafionan relaciona cu cambio di clima. Esaki ta inclui expansion di e infrastructura di irigacion manera e Essex Valley Agriculture Development Project, pa yuda 700 agricultor cu problema di awa.
Tambe e ministro ta acercando FAOy UN Green Climate Fund pa ayudo den identifica sistema di ‘drip irrigation’ chikito portatil pa asisti cunukero chikito. Ademas ta implementando un plan ambicioso di planta mata di fruta, tanto pa consumo local como pa exportacion, ademas di yuda den programa di reforestacion.
