(LoopJamaica) – A lansa un investigacion riba reportahenan cu e 35 Haitiano cu a yega Jamaica durante weekend y a purba di drenta e pais ilegalmente a ser trece na e isla pa un sospechoso di contrabanda di hende.
Tambe tin declaracion indicando cu capitan di e barco ta sospecha di ta e mesun eprsona cu ilegalmente a trece otro grupo di Haitiano na e isla. Nan a keda repatria na september.
Segun fuentenan di polis, oficialnan di Ministerio di Seguridad Nacional ta investigando e asunto.
Tambe tin reportahenan cu polis ta buscando a entrega cargo contra e sospechoso despues di investigacionnan.
E grupo di Haitiano, incluyendo homber, muhe y mucha, a yega abordo di un boto chikito na Long Bay, Portland riba diadomingo atardi. Nan ta e di tres grupo pa yega e isla desde berano. Imagen di video di nan yegada ta mustra varios di nan ta cambia nan paña, y reportahenan ta indica cu un cantidad di nan a purba di huy den diferente direccion prome cu polis a gara nan.
Ta kere cu algun di e Haitianonan cu a yega diadomingo ta entre e grupo cu a yega Jamaica na september y a keda manda back, iritando gruponan di derechonan humano.
E Haitianonan ta huyendo di violencia y dificultad economico na nan pais, cu a bira pio desde asesinato di presidente Jovenel Moise na juli 2021.
Mientras tanto, un grupo di 19 Haitiano cu a yega Jamaica na juli y tabata enfrentando deportacion prome cu a aplica pa asilo ainda ta wardando un decision di gobierno di Jamaica.
