(TMZ) – J.Cole ta bisa cu su lansamento recien, “7 Minute Drill”, cual tabata un ‘diss track’ contra Kendrick Lamar lo ser kita for di tur servicio di streaming dentro di poco y e ta hopi bergonsa di a graba e cantica.
Riba dialuna, Cole durante e utlimo momentonan di Dreamville Festival a tuma un momento pa atende e noticianan cu e cantica, criticando Kendrick su catalogo, a genera, cual a laga na cla cu e no tabata kier ningun tipo di problema di awo en adelante.
Cole a expresa na e audiencia di North Carolina cu e ta orguyoso di su proyecto nobo titulo “Might Delete Later”, cu excepcion di e cantica cu a falta respet na Kendrick. Den Cole su propio palabranan, “esey ta e cos mas laaf y sin sentido”, cual ta similar na mayoria di e comentarionan ricibi ora cu e cancion a keda lansa.
50 Cent, Nicki Minaj, SZA y Sexxy Red tabata presente den e ciudad pa e festival sinembargo Cole a admiti cu e fin di siman no tabata uno bon a causa di e criticanan cu el a ricibi.
Cole a termina pidiendo e audiencia pa duna aplauso na Kendrick Lamar su talento y carera y a termina cu su cancion conoci “Love yours.”
TDE su president Punch y “To Pimp a Butterfly” su productor Terrace Martin tambe a tende Cole su disculpa. “7 Minute Drill” a tira indirecta na nan trabao tambe.
Cole su disculpa a bini como un momento clave den hiphop, mirando cu varios ya caba tin e impresion of pensamento cu competencia a muri den e genero musical y su industria, unda cu e tipo di cancionnan aki, yama ‘diss track’ tabata ampliamente elogia y fomenta, cu artistanan tirando indirecta pa otro comunmente.
