Strea Colombiano, J Balvin ta bisa cu e ta recuperando despues di un bataya cu coronavirus.
Den un video pre-graba transmiti diahuebs, mientras Balvin a acepta un premio na Premios Juventud 2020, e artista a revela cu el a contrae Covid-19 y cu esey tabatin un impacto pisa.
“Na e momento aki mi ta recuperando di Covid-19. Esaki tabata dianan dificil, hopi complica”, Balvin a bisa. “Bo ta kere cu e no lo dal bo, pero el a dal mi hopi fuerte.”
E ganado di Latin Grammy di 35 aña di edad a bisa fanaticonan pa tuma e virus na serio. “Mi ta manda un mensahe na tur kende ta sigui mi, na tur hoben, hende en general, pa nan cuida otro, esaki no ta un joke. E virus ta existi. E ta hopi peligroso.”
Na Premios Juventud 2020, cual a transmiti riba Univision, Balvin a ricibi cinco honor, empatando Karol G. Bad Bunny, e gran ganador di e anochi, a bay cu ocho premio.
