Italia a firma un MoU cu China riba diasabra, pa asina duna sosten den Beijing su iniciativa di ‘belt and road’. Esaki ta duna un conexion cu red di haf, brug y planta electrico, conectando China cu Africa, Europa y mucho mas.
E memorandum ta haci Italia e prome miembro di e grupo di 7 economia mayor, cu ta inclui Merca y Portugal, cu a uni e iniciativa ‘belt and roads’na december. Premier Guiseppe Conte y presidente Chino, Xi Jinping, tabata presente durante e ceremonia na Roma, unda 29 protocol separa den e memorandum a ser firma pa miembro di ambos gobierno, cu bandera di ambos pais y Union Europeo tras di nan.
Luigi di Maio, kende ta e minister di desaroyo economico di Italia, a bisa e reporteronan presente despues di ceremonia cu e gol di e pais ta pa hisa exportacion pa China, pa asina coregi e desbalansa den comercio, y duna empuhe na negoshi di Italia y su economia. El a bisa cu e validez di e acuerdo individual firma ta conta cu 2.5 biyon euro, cu e potencial di subi ten a 20 biyon euro.
Segun Di Maio, nan mision cu acuerdo aki ta pa cuminsa un balans, pasobra nan ta bisa cu hopi cos cu ta ‘made in China’ cu ta drenta Italia, pero tiki cos cu ta bisa ‘made in Italy’ ta drenta China. El a bisa cu e acuerdo cu Italia ta spera un ‘un crecemento substancial y gradual den exportacion, y ta spera cu pa siguiente aña por balansa e comercio cu no ta balansa’.
