(AP) — Israel a bisa ayera cu ta bay permiti Egipto entrega ayudo humanitario limita na Franja di Gaza. E prome apertura den un cerco di 10 riba e teritorio a yega un dia despues cu explosion na un hospital a cobra bida di centenares di persona, segun autoridadnan na Gaza, y a pone presion enorme riba e sistema di salud di e area.
E anuncio pa permiti paso di awa, cuminda y otro suministro a tuma lugar mientras rabia tocante e explosion na hospital al-Alhli na Ciudad di Gaza a plama den Medio Oriente, y presidente Joe Biden a bishita Israel cu speransa pa preveni conflicto mas amplio den e region.
Tabatin reclamonan conflictivo riba ken tabata responsable pa e explosion diamars anochi, pero protestanan a cuminsa rapidamente den e region mientras cantidad di lider Arabe a bisa cu Israel ta responsable. Oficialnan di Hamas na Gaza rapidamente a culpa un atake aereo Israeli, bisando cu centenares a muri. Israel a rechasa su participacion y a publica un cantidad di video, audio y otro informacion bisando cu ta mustra cu e explosion tabata pa motibo di un raket cu a bay fout di Jihad Islamico, otro grupo militante operando na Gaza. Jihad Islamico a rechasa e declaracion aki.
Associated Press no por a verifica e declaracionnan of evidencia independientemente.
